1. ELM

Azərbaycanlı alim yeni nəsil vaksin texnologiyası hazırlayıb

Azərbaycanlı alim yeni nəsil vaksin  texnologiyası hazırlayıb

Azərbaycanlı alim yeni nəsil vaksin texnologiyası hazırlayıb

Türkiyənin Akdeniz Universitetinin professoru, Azərbaycan Milli Elmlər Akademiyasının (AMEA) müxbir üzvü Tərlan Məmmədovun apardığı tədqiqatların mühüm nəticələrini əks etdirən məqalə nüfuzlu “PLOS ONE” jurnalında çap olunub.

AMEA-dan AZƏRTAC-a bildiriblər ki, məqalə rekombinant zülal sintezi ilə bağlı texnologiyanı əhatə edir. Bu texnologiya ilə sintez edilən antraksa (qarayara) qarşı vaksin ABŞ-ın aparıcı şirkətləri tərəfindən istehsal olunan preparatlarla müqayisədə daha yüksək stabilliyə malikdir. Məqalədə ilk dəfə malyariyaya qarşı yeni nəsil vaksin namizədlərin bitkilərdə uğurla sintez olunması və istehsal edilən vaksin antigenlərinin yüksək aktivliyə malik olması göstərilir.

Azərbaycanlı alimin bu texnologiyası müxtəlif rekombinant zülalların, o cümlədən vaksinlərin, terapevtik zülalların, təbii additivlərin və sənaye enzimlərinin sintezi üçün çox böyük əhəmiyyət daşıyır və onun böyük iqtisadi səmərə verəcəyi gözlənilir.

Qeyd edək ki, alınan nəticələr beynəlxalq patent şəklində əksini tapıb.



Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

Editörün Seçimi

SON XƏBƏRLƏR