Azərbaycanlı iş adamı əsgərlərimiz üçün səyyar camaşırxana hazırladı
Azərbaycanlı iş adamı Ordumuzun cəbhədə apardığı əks hücum əməliyyatlarında iştirak edən hərbçilərimiz üçün səyyar camaşırxana hazırlayıb.
Camaşırxananı hazırlayan Bakı şəhər sakini Ruslan Hüseynov Yeniavaz.com-a açıqlamasında bildirdi ki, əsgərlərimiz üçün səyyar hamam layihəsini görəndən sonra belə bir ideyanı həyata keçirmək qərarına gəlib: “Sosial şəbəkələrdə səyyar hamam layihəsini gördüm, mən də istədim ki, onlar üçün səyyar camaşırxana hazırlayıb göndərim. Çox şükür layihəmiz uğurla tamamlandı. 4 gün vaxt sərf etdik. Artıq cəbhə bölgəsinə təhvil verilib. Əsgərlərimizin istifadəsi üçün hara uyğundursa orada da istifadə olunacaq”.
R.Hüseynov səyyar camaşırxana üçün Türkiyə istehsalı olan məhsulları aldığını bildirdi: “Türkiyə istehsalı olan brend məhsulları aldım. Həm keyfiyyətli paltaryuyan maşınlardı, həm də istədim ki, xeyir qardaşlarımıza qalsın. İnşallah bundan sonra da bu işləri davam etdirəcəm”.
Şərhlər
Şərhləri göstər Şərhləri gizlət