Ens.az
19 avqust 2019, bazar ertəsi
.
chevron_left chevron_right
İQTİSADİYYAT

"Azərpoçt"MMC problemli kredit sahiblərinə 2 formada kompensasiya verəcək

"Azərpoçt"MMC problemli kredit sahiblərinə 2 formada kompensasiya verəcək

1102 Baxış
"Azərpoçt"MMC problemli kredit sahiblərinə 2 formada kompensasiya verəcək

Aprel ayının 22-dən etibarən problemli kreditinə 500 manatdan aşağı kompensasiya düşən vətəndaşlar “Azərpoçt”un respublika üzrə bütün şöbələrinə yaxınlaşıb, şəxsiyyət vəsiqəsi və onun surətini təqdim etməklə pullarını nağd şəkildə ala biləcəklər. May ayının 1-dən etibarən isə kompensasiyası 500 manatdan yuxarı olan vətəndaşlar onlar üçün ayrılmış poçt şöbələrindən məbləğlərini qeyri-nağd formada, yəni kart vasitəsilə alıb, nağdlaşdıra biləcəklər. Qeyd edək ki, yalnız Bank Olmayan Kredit Təşkilatları və bağlanan bankların problemli kredit sahibləri “Azərpoçt” MMC-yə müraciət etməlidirlər,yəni Bank Olmayan Kredit Təşkilatları və bağlanan bankların problemli kredit sahibləri kompensasiyalarını nağd və nağdsız formalarda olmaqla “Azərpoçt” MMC-dən ala biləcəklər.
Maliyyə Bazarlarına Nəzarət Palatası tərəfindən təqdim olunan siyahıya əsasən “Azərpoçt” MMC-nin icra edəcəyi əməliyyat ilkin mərhələdə 120 min 994 nəfərə şamil olunacaq. 44 min 158 nəfər kompensasiyası 500 manatdan yuxarı olduğuna görə “Azərpoçt”un kartları vasitəsi ilə, 76 min 836 nəfər isə məbləğ 500 manatdan aşağı olduğu üçün nağd şəkildə əldə edəcəklər. Yəni Azərpoçtun Bakı ərazisində yerləşən şöbələri 9 min 294 nəfərə, bölgələrdə isə 34 min 864 nəfərə kompensasiyanı kartlar vasitəsilə "Azərpoçt" MMC-nin respublika üzrə 77 şöbəsində təqdim edəcək.
Problemli kreditli vətəndaşlar və onlara ödəniləcək kompensasiya barədə bütün məlumatlar “Azərpoçt” MMC-yə işin əsas icraçısı olan Maliyyə Bazarlarına Nəzarət Palatası tərəfindən ötürülüb. Bütün məlumatlar palatanın hazırladığı PK.FİMSA.AZ portalında yerləşdirilib. Bağlanan banklar və BOKT-ların problemli kredit sahibləri isə məlumatları eyni zamanda “Azərpoçt” MMC-nin rəsmi internet səhifəsində azerpost.az-da “Problemli kreditinzə düşən kompensasiya haqqında məlumat” bölməsindən də ala bilərlər.
Bu layihədə BOKT-larin, eləcə də ləğv prosesində olan banklarin müştərisi olan fiziki şəxslərə 500 manatadək məbləğdə kompensasiyalarin verilməsi “Azərpoçt” MMC-nin pul köçürmələri xidməti vasitəsi ilə ödəniləcək. Qeyd olunan ödənişlər həyata keçirilərkən müştərilərin eyniləşdirilməsinə, sistemdə olan məlumatlarla müştərinin şəxsiyyət vəsiqəsindəki məlumatlarin üst-üstə düşməsinə ciddi diqqət yetiriləcək. Eyni zamanda PIN kodlar və kartlar müştərilərə təqdim edilərkən reyestrdə imza etdiriləcək və şəxsiyyət vəsiqəsinin surəti alınaraq reyestrə əlavə olunacaq.
Plastik kartlar vasitəsilə ödənişlər vətəndaşların qeydiyyat ünvanları üzrə bölünən poçt şöbələrinə plastik kartların sahiblərinə göndərilməsi ilə baş tutacaq. Vətəndaş "Azərpoçt" MMC-nin rəsmi saytı vasitəsilə məlumatları qeyd edərkən həmin şöbə göstərilir və vətəndaş orada göstərilən poçt şöbəsinə yaxınlaşıb, zəruri sənədlərə imza atır. Bu əməliyyatlar yerinə yetirildikdən sonra vətəndaşa plastik kart və PIN kod təqdim olunur. Müştərilər nəinki “Azərpoçt”un bankomatlarında və post terminallarla təhciz olunan şöbələrində plastik kart vasitəsilə, eyni zamanda Millikart MMC tərəfindən şəbəkəyə daxil olan bütün ATM-lər vasitəsilə rüsum tutulmadan nağdlaşdırma əməliyyatı həyata keçirə biləcəklər. Millikart MMC-nin şəbəkəsində daxil olan ATM-lər ASB(Azərbaycan Sənaye Bankı), AccessBank, Bank Melli İran, Bank of Baku, ExpressBank,Gunay Bank, NaxçıvanBank, Unibanka məxsusdur.
Problemli kredit sahibi ölkədə yoxdursa və ya vəfat edibsə, ödəniş zamin tərəfindən edilibsə, eləcə də bu və ya digər müzakirəli məsəslələrdə, yalnız Qanunvericiliklə nəzərdə tutulan hallarda varislik və ya etibarnamə ilə ödənişlər həyata keçirilə biləcək. Varisliyin təyin olunması və etibarnamənin verilməsi ilə bağlı yaranan problemlərin həll olunması “Azərpoçt”un səlahiyyətində deyil. Problemli kreditlərin fiziki şəxslərə qaytarılması işində “Azərpoçt” MMC sadəcə icraçı tərəf kimi çıxış edir.
Qeyd edək ki, "Azərpoçt” MMC tərəfindən problemli kreditlərin ödənilməsilə bağlı göstərilən xidmətlər pulsuz həyata keçiriləcək.


Mənbə: Azerpost.az

adscode
VİDEO QALEREYA
Italiya
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X