1. QƏHRƏMANLAR VƏ ŞƏHİDLƏR

Bağırov Süleyman Loğman oğlu

Bağırov Süleyman Loğman oğlu

İkinci Qarabağ müharibəsi şəhidi

Bağırov Süleyman Loğman oğlu 1992-ci ildə yanvar ayının 25-də Sabirabad rayonu Sərxanbəyli kəndində anadan olub.1999-cu ildə Şirvan şəhəri, Məftun Osmanov adına 20 saylı orta məktəbə gedib. 2000-ci ildə Şirvan şəhərində şahmat məktəbinə gedib.

2005-ci ildə 14 yaşlı oğlanlar arasında dahi Azərbaycan şairi Nizami Gəncəvinin xatirəsinə həsr olunmuş  3-cü Respublika şahmat turnirində 1-ci yeri tutmuşdu. Həmin il12 noyabr Konstitusiya gününə həsr edilmiş şahmat yarışında 1-ci yeri tutmuşdu. 2005 ci ildə Xocalı faciəsinə həsr edilmiş şahmat turnirində 1-ci yeri tutmuşdu. 28 may Respublika gününə həsr edillmiş yeniyetmələr arasında şahmat oyununda 2-ci yeri tutmuşdu.

2006-cı ildə Azərbaycan Respublikasının ümummilli lideri Heydər Əliyevin xatirəsinə həsr olunmuş şahmat turnirində 14 yaşlı oğlanlar arasında 1-ci yeri tutmuşdu. 2007-ci ildə şahmat üzrə yeniyetmələr arasında keçirilən dünya Azerbaycanlıların həmrəylik gününə həsr edilmiş Açıq Respublika birinciliyində 1-ci yeri tutmuşdu.

2007 ci il 15-19 yanvarda 20 yanvar şəhidlərinin xatirəsinə həsr olunmuş Şirvan səhər ümumtəhsil məktəbliləri arasında keçirilən şahmat yarışında 1-2 ci yeri tutmuşdu.

2008-ci ildə Xocalı soyqırımına həsr olunmuş Şirvan şəhər ümumtəhsil orta məktəbləri arasında keçirilən şahmat yarısında 14-16 yaş oğlanlar arasında 1-ci yeri tutmuşdu. 2008-ci ildə 20 yanvar şəhidlərinin xatirəsinə həsr olunmuş Şirvan şəhər ümumtəhsil orta məktəblər arasında keçirilən şahmat yarışında 16 yaşlı oğlanlar arasında 1-ci yeri tutmuşdu.

2010-cu ildə həmin məktəbi bitirib. Universitetə sənəd verdi və həmin ili 530 balla Mədəniyyət və İncəsənət universitetinin Sənətşünaslıq fakultəsinə daxil oldu.

2014-cü ildə ali təhsilini başa vurduqdan sonra hərbi xidmətə yollandı.

2015-ci ildə hərbi xidməti başa vurduqdan sonra TTM 4 ay hərbi təhsil aldı.Təhsilin başa vurduqdan sonra hərbi hissəyə qayıtdı və leytenant rütbəsi aldı.Hərbi hissədə leytenant vəzifəsində işlədi. Hərbi hissədə olarkən Azərbaycan Respublikası Silahlı Qüvvələrinin şahmat üzrə birinciliyində 1-ci yeri tutmuşdu. Şahmat üzrə birinciliyinin Fəxri Fərmanını Azərbaycan Respublikasının Müdafiə Naziri general polkovnik Zakir Həsənov vermişdi.

2016-cı ildə Novruz bayramı münasibəti ilə döyüş və ictimai-siyasi hazırlıqda əldə etdiyi nailiyyətlərə, nümunəvi hərbi intizamina, yüksək mənəvi isgüzar keyfiyyətlərinə və vəzifə borclarını layiqincə yerinə yetirməsində fərqləndiyinə görə N saylı hərbi hissənin komandiri tərəfindən Fəxri Fərmanla təltif edilmişdi. 2016-cı ildə Aprel döyüşündə iştrak etdi. İş müqaviləsi bitdikdən sonra 2016-cı ildə Şirvan şəhərinə qayıtdı.

Şirvanda 2018-ci ildə OBA market mağazasında mağaza müdiri vəzifəsində işlədi.

2019-cu ildən Bakı şəhərində OBA marketdə mağaza müdiri vəzifəsində davam etdi. 2019-cu ildə dekabr ayının 15-də ailə həyatı qurdu.

2020-ci ildə sentyabr ayının 29-da 2-ci Qarabağ müharibəsinə yollandı. Oktyabr ayının 8-də Cəbrayılda şəhidlik zirvəsinə ucaldı.Vətən uğrunda, Cəsur döyüşçü, Cəbrayılın azad olunmasına görə medallarla təltif olunub.

Cəmi 9 ay ailəli oldu.1 il ailə həyatı çəkmədi. Yanvar ayının sonunda doğulacaq övladını görmədi.

Allah Rəhmət eləsin!

 

 

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

Kosmik stansiya öz çəkisində olan qızıldan 30 dəfə bahadır.

Redaktor seçimi

SON XƏBƏRLƏR