Ens.az
12 noyabr 2019, çərşənbə axşamı
.
.
chevron_left chevron_right
AZƏRBAYCAN

Bakıda parkomatlarda qiymətlər necə olmalıdır? - Ekspert rəyi

Bakıda parkomatlarda qiymətlər necə olmalıdır? - Ekspert rəyi

295 Baxış
Bakıda parkomatlarda qiymətlər necə olmalıdır? - Ekspert rəyi

Bakıda parkomatlarda avtomobil saxlama qiymətinə yenidən baxılmalıdır. Bunu Trend-ə nəqliyyat üzrə ekspert Ərşad Hüseynov deyib.

Ə.Hüseynov bildirib ki, parkomatlardakı qiymətlər hökumət tərəfindən müəyyən olunmayıb. Onun sözlərinə görə, ötən il qanunvericiliyə dəyişiklik olundu:

"Nazirlər Kabinetinə tapşırıq verildi ki, parklanma yerlərində qiymətləri müəyyən etsin. Həmin qiymətlər hələki müəyyən olunmayıb. Hazırda tətbiq edilən qiymətləri isə Bakı Şəhər İcra Hakimiyyəti müəyyən edib. Bakıda olan iki parkomat dövlətə məxsusdur, bunlar Qış bulvarının və Azadlıq meydanının altında yerləşən parkomatlardır. Qalan parkomatlar özəldir. Hər halda qiymətlər müəyyən prinsiplər əsasında daha yaxşı tənzimlənməli və sürücülər üçün daha əlçatan və cəlbedici olmalıdır. Parklanmanın əsas mahiyyəti odur ki, şəhərdə dayanma-durma ilə bağlı pozuntular olmasın, tıxaclar yaranmasın. Parkomatların yaradılmasında əsas məqsəd külli miqdarda gəlir əldə etmək deyil".

Ə.Hüseynov bildirib ki, şəhərin bütün parklanma yerləri ödənişli olmamalıdır: "Parklanma yerlərində ilk 15 dəqiqə pulsuz olmalı, şəhərin yerləşməsinə uyğun olaraq fərqli parklanma tarifləri müəyyən edilməlidir, istirahət və bayram günləri isə ödənişsiz və ya cüzi ödənişlə olmalıdır. Dünyanın hər yerində parklanmanın qabaqcadan uzunmüddətli ödənişi həyata keçirilir. Misal üçün 1 aylıq, 6 aylıq və ya 1 illik əvvəlcədən ödəniş edir və həmin müddətdə bütün parklanma yerlərində dayanır. Düzdür, birdəfəlik ödənilən məbləğ bir az çox olur, ancaq gündəlik istifadəni nəzərə aldıqda ödənişlər çox az düşür".





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Fotoqraf: Abdul-Qapur Dayak
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X