1. AZƏRBAYCAN

Bakıda vulkan püskürüb

Bakıda vulkan püskürüb

Bakıda vulkan püskürüb

Bu gün Qaradağ rayonu ərazisində yerləşən Torağay palçıq vulkanında 2 dəfə püskürmə baş verib.

Ekologiya və təbii sərvətlər nazirliyinin mətbuat xidmətindən verilən məlumata görə, birinci püskürmə səhər saat 8, ikinci isə saat 10 radələrində qeydə alınıb. Hazırda proses davam edir.

Xezerxeber.az-ın məlumatına görə, palçıq vulkanının ətrafında heç bir yaşayış məntəqəsi yoxdur. Ekologiya və Təbii Sərvətlər Nazirliyinin mütəxəssisləri tərəfindən püskürmə və onun nəticələri öyrənilir, müvafiq müşahidələr həyata keçirilir.

Torağay palçıq vulkanı Bakı və Abşeron yarımadasının palçıq vulkanları qrupu dövlət təbiət qoruğunun ərazisinə daxildir. Bu günədək vulkan 11 dəfə püskürüb. Sonuncu dəfə bu ərazidə bu ilin martın 1-də vulkan püskürməsi qeydə alınıb.

Ekoloq Telman Zeynalov bildirir ki, palçıq vulkanının püskürməsi heç bir halda təşvişə səbəb olmamalıdır. Çünki bu püskürmə hansısa zəlzələ və ya başqa narahatlıq yaradacaq proseslərlə bağlı deyil.

Mütəxəssis bildirir ki, ümumiyyətlə, təhlükəsizlik üçün belə yerlərdə məskunlaşma prosesi qadağan edilməlidir.

Onu da qeyd edək ki, təqdim etdiyimiz görüntülər "Xəzər Xəbər"in votsap nömrəsinə göndərilib.

Xezerxeber.az mövzu ilə bağlı daha ətraflı videomaterialı təqdim edir:

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

20 ildir aktiv olan Bromo vulkanı

Redaktor seçimi

SON XƏBƏRLƏR