3 iyun 2020, çərşənbə
.
.
chevron_left chevron_right
AZƏRBAYCAN

Bakının ictimai nəqliyyatında ödəniş sistemində yeniliklər tətbiq oluna bilərmi?

Bakının ictimai nəqliyyatında ödəniş sistemində yeniliklər tətbiq oluna bilərmi?

334 Baxış
Bakının ictimai nəqliyyatında ödəniş sistemində yeniliklər tətbiq oluna bilərmi?

Paytaxtda bəzi sərnişindaşıma marşrutları, həmçinin Bakı Metropoliteni gediş haqqının kartla ödənilməsi sisteminə keçsə də, günün pik saatlarında "BakıKart" ödəniş terminallarının qarşısında növbə yaranır.

Bir sıra xarici ölkələrdə bu problemin həlli üçün ictimai nəqliyyatda müxtəlif ödəniş sistemləri tətbiq olunub. Məsələn, ödəniş mobil telefonlardan SMS göndərməklə, nəqliyyat kartının balansını onlayn doldurmaqla həyata keçirilir.

Xatırladaq ki, 2010-cu ildə Bakı metrosunda oxşar sistemlərdən biri tətbiq olunmuşdu. Belə ki, sözügedən sistemdən “Azercell" simsiz rabitə operatorunun abonentləri istifadə edə bilirdi. Bunun üçün “Azercell" şəbəkəsinin abonentləri bir gedişə görə 9901, üç gedişə görə 9903, beş gedişə görə isə 9905 nömrələrinə boş SMS göndərməli idilər. SMS göndərildikdən sonra ştrix-kodların yüklənməsi üçün abonentin qurğusuna dərhal yüklənən link daxil olurdu və bundan sonra ştrix-kod istifadə üçün aktivləşirdi. Sərnişin turniketə yaxınlaşarkən telefonun ekranında aldığı ştrix-kodu açır və telefonu hesablayıcı qurğuya yaxınlaşdıraraq metropolitendə gediş haqqını ödəyirdi.

İlk olaraq metronun “Elmlər Akademiyası” stansiyasının turniketlərində quraşdırılan hesablayıcı qurğu bir müddət sonra digər metro stansiyalarda da tətbiq olunmalı idi, lakin sistemin fəaliyyəti qısa zamanda dayandırıldı.

Məsələ ilə bağlı “Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədov Trend-ə açıqlamasında bildirib ki, həmin ödəniş sistemindən istifadə edənlərin sayı gözləntilərdən az olduğuna görə onun fəaliyyəti çox çəkmədi.

 

B.Məmmədov onu da qeyd edib ki, bu kimi yeni layihələr həyata keçirmək üçün şirkətlərdən də qarşılıqlı olaraq təkliflər irəli sürülməlidir.

Bakı Nəqliyyat Agentliyinin (BNA) İctimaiyyətlə əlaqələr şöbəsinin sektor müdiri Mais Ağayev isə alternativ ödəniş sistemləri ilə bağlı layihələr barədə danışmağın hələ tez olduğunu deyib:

“Ödəniş sistemi ilə bağlı hazırda Agentlik olaraq qarşımıza qoyduğumuz əsas hədəflərdən biri kart vasitəsilə nağdsız ödəniş sisteminin əhatə dairəsini genişləndirməkdir. Çünki bu gün mövcud marşrut şəbəkəsinin çox az qismində - təqribən 20%-də nağdsız ödəniş həyata keçirilir”.

M.Ağayev qeyd edib ki, hazırkı kart sistemi avtobuslarda tam tətbiq olunduqdan sonra BNA başqa yeniliklərə doğru addım ata bilər.

Mənbə: Trend





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Kalpeya adlı bu qadın 7.5 min il əvvəl müasir Hibraltar ərazisində yaşayıb. Onun görüşünün bərpası üçün yarım il sərf olunub və artıq biz onun üzünü görə bilirik.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X