Baş nazirdən “Yanar dağ” Qoruğunu ilə bağlı QƏRAR

“Yanar dağ” Dövlət Tarix-Mədəniyyət və Təbiət Qoruğunun

sərhədini və mühafizə zonasını əks etdirən xəritənin təsdiq

edilməsi və “Yanar dağ” dövlət tarix-mədəniyyət və təbiət

qoruğunun bəzi məsələləri barədə” Azərbaycan Respublikası

Nazirlər Kabinetinin 2008-ci il 22 sentyabr tarixli 227 nömrəli

Qərarında dəyişiklik edilməsi haqqında

“Mədəniyyət haqqında” Azərbaycan Respublikasının 2012-ci il

21 dekabr tarixli 506-IVQ nömrəli Qanununun tətbiqi barədə”

Azərbaycan Respublikası Prezidentinin 2013-cü il 15 fevral tarixli

828 nömrəli Fərmanının 2.3-2-ci bəndinə əsasən Azərbaycan

Respublikasının Nazirlər Kabineti qərara alır:

1. “Yanar dağ” Dövlət Tarix-Mədəniyyət və Təbiət Qoruğunun

sərhədini və mühafizə zonasını əks etdirən xəritə təsdiq edilsin

(əlavə olunur).

2. “Yanar dağ” dövlət tarix-mədəniyyət və təbiət qoruğunun

bəzi məsələləri barədə” Azərbaycan Respublikası Nazirlər

Kabinetinin 2008-ci il 22 sentyabr tarixli 227 nömrəli Qərarının

(Azərbaycan Respublikasının Qanunvericilik Toplusu, 2008, № 9,

maddə 873) 2-ci hissəsi ləğv edilsin.

3. Azərbaycan Respublikasının Torpaq Məcəlləsinin və

“Yanardağ” dövlət tarix-mədəniyyət və təbiət qoruğunun yaradılması

haqqında” Azərbaycan Respublikası Prezidentinin 2007-ci il 2 may

tarixli 2141 nömrəli Sərəncamının 2.2-ci və 4.2-ci bəndlərinin

tələblərini nəzərə alaraq, bu Sərəncamın 1-ci hissəsi ilə təsdiq edilən

xəritədə Qoruğun ərazisinə daxil edilmiş qeyri-dövlət mülkiyyətində 

olan torpaqların mülkiyyətçilərin razılığı ilə Azərbaycan

Respublikasının Dövlət Turizm Agentliyi üçün nəzərdə tutulmuş

dövlət vəsaiti hesabına satın alınması təmin edilsin.