3 iyun 2020, çərşənbə
.
.
chevron_left chevron_right
AZƏRBAYCAN

Baytar həkiminin iştirakı olmadan heyvanlarda özbaşına müalicə, peyvəndləmə və profilaktik tədbirlərin aparılması yolverilməzdir

Baytar həkimin iştirakı olmadan heyvanlarda özbaşına müalicə, peyvəndləmə və profilaktik tədbirlərin aparılması yolverilməzdir.

216 Baxış
Baytar həkiminin iştirakı olmadan heyvanlarda özbaşına müalicə, peyvəndləmə və profilaktik tədbirlərin aparılması yolverilməzdir

Baytar həkimin iştirakı olmadan heyvanlarda özbaşına müalicə, peyvəndləmə və profilaktik tədbirlərin aparılması yolverilməzdir.

Kənd Təsərrüfatı Nazirliyi yanında Dövlət Baytarlıq Xidmətindən AZƏRTAC-a verilən məlumata görə, xidmətin təsərrüfat sahiblərinə xəbərdarlıq etməsinin səbəbi son vaxtlar istər müxtəlif baytarlıq sənayesi, istərsə də xarici ölkələrin kimya-əczaçılıq müəssisələri tərəfindən külli miqdarda dərman preparatları istehsal edilməklə aptek şəbəkəsinə buraxılmasıdır. Nəzarətsiz istifadə olunan dərman preparatları müxtəlif problemlərə yol açır. Bu dərman maddələrinin sayı və adları ildən-ilə artsa da, həmin dərmanlara aid yeni və ən yeni məlumatlar yalnız onun içlik vərəqələrində qeyd olunur.

Hazırda müxtəlif xəstəliklərə qarşı istifadə olunan dərmanların əksəriyyəti düzgün istifadə edilmədikdə və ya tətbiqinə dəqiq əməl edilmədikdə onların arzu olunmayan yüksək toksiki təsirləri qeydə alınır. Nəticədə heyvanlar arasında kəskin zəhərlənmə, ölüm halları baş verir.

Bu səbəbdən heyvan sahibləri dərmanlardan istifadə qaydalarına xüsusi diqqət göstərməli, yalnız baytar həkimi tərəfindən yazılmış resept əsasında dərman preparatlarını almalı, preparatlar baytar həkiminin iştirakı və tövsiyəsi altında heyvana tətbiq olunmalıdır.

Resept baytarlıq və təsərrüfat əhəmiyyətinə malikdir. Bu səbəbdən resepti tərtib edən baytar həkimi və ya resept üzrə dərman hazırlayan əczaçı ciddi məsuliyyət daşıyırlar.

Son zamanlar respublikanın ayrı-ayrı rayonlarında vətəndaşlar tərəfindən onlara məxsus iribuynuzlu heyvanların ektoparazitlərə qarşı çimizdirilməsi nəticəsində heyvanlar arasında zəhərlənmələr və tələfat hallarına təsadüf edilir. Belə hallar vətəndaşların ərazinin baytar mütəxəssislərinə məlumat vermədən özbaşına baytarlıq apteklərindən akarasid və insektsid dərman maddələrini alaraq, həmin dərmanın təlimatına əməl etmədən isti havada kortəbii şəkildə heyvanların çimizdirilməsi nəticəsində baş verir.

Xidmətdən bildirilib ki, “Baytarlıqda istifadə edilən bioloji, güclü təsiredici və resept əsasında buraxılan baytarlıq preparatlarının Siyahısı” Azərbaycan Respublikası Nazirlər Kabinetinin 30 yanvar tarixli qərarı ilə təsdiq edilib. Qərara uyğun olaraq, ektoparazitlərə qarşı heyvanların çimizdirilməsində istifadə edilən akarasid və insektsid dərman maddələri reseptsiz buraxılır. Lakin həmin preparatın tətbiqi baytar mütəxəssisinin iştirakı və tövsiyəsi ilə həyata keçirilməlidir. Buna baxmayaraq, vətəndaşlar təsərrüfatlarında olan heyvanları çimizdirərkən təlimata əməl etmədən və baytar həkiminə məlumat vermədən özləri tərəfindən əvvəlcədən alınmış və uzun müddət şəraitsiz yerdə saxlanılmış dərman maddələrindən istifadə edirlər ki, bu da heyvanlar arasında zəhərlənmə və ölüm hallarının baş verməsinə səbəb olur.

Dövlət Baytarlıq Xidməti təsərrüfat sahiblərinin bir daha diqqətinə çatdırır ki, təcrübələri olsa belə, baytarlıq mütəxəssislərinin iştirakı və tövsiyəsi olmadan heyvanlarda özbaşına müalicə, peyvəndləmə və profilaktik tədbirlərin, o cümlədən heyvanların çimizdirilməsinin aparılması yolverilməzdir. Bütünlükdə bu tədbirlər baytar həkiminin təyinatı və iştirakı ilə aparılmalıdır. Əgər heyvanlar arasında bir şübhəli hal baş verərsə, dərhal yerli baytarlıq idarələrinə və sahə baytarlıq məntəqələrinə, eləcə də Kənd Təsərrüfatı Nazirliyinin 1652 nömrəli Çağrı Mərkəzinə və Dövlət Baytarlıq Xidmətinin 562-76-13 saylı “Qaynar xətt”inə müraciət etsinlər.

 





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
1989-cu ildə üç rəngli bayrağımız ilk dəfə Gəncə Şəhər İcra Hakimiyyəti binasının üzərində dalğalanmışdır.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X