Ancaq bir məsələ var ki, DİM bu günə qədər aydınlıq gətirməyib. Bəs, 2019-cu ildə məzun olmayan, daha əvvəlki illərdə məzun olaraq ali məktəblərə qəbul oluna bilməyən, lakin yenidən sənəd verəcək şəxslər üçün qayda necə olacaq?

Təhsil eksperti İlkin Həsənov bu barədə AzNews.az-ın sualını cavablandırıb və bildirib ki, əvvəlki məzunların buraxılış imtahanlarını yeni kurikulum qaydaları ilə vermədiklərindən hesablanma fərqli olacaq: “Keçid dövrüdür. Fərqli nüanslar var. Yeni bir format müəyyən olunmalıdır. Ən azı bu il üçün”.
Təhsil eksperti onu da qeyd edib ki, DİM hələ bu barədə açıqlama vermədiyindən tətbiq ediləcək formatla bağlı danışmaq çətindir.