1 aprel 2020, çərşənbə
.
.
chevron_left chevron_right
ELM

Beynəlxalq forum: Yeni erada yoxsulluğun azaldılması

Beynəlxalq forum: Yeni erada yoxsulluğun azaldılması

248 Baxış
Beynəlxalq forum: Yeni erada yoxsulluğun azaldılması

Pekində Dünya Bankının, Çin İnkişaf Bankının və Çin Sosial Elmlər Akademiyasının təşkilatçılığı ilə 500-ə yaxın iqtisadçının qatıldığı “Yeni erada yoxsulluğun azaldılması” mövzusunda beynəlxalq forum keçirilib. Ölkəmizi tədbirdə Azərbaycan Milli Elmlər Akademiyası İqtisadiyyat İnstitutunun elmi işçisi Əkbər Hüseynov təmsil edib.

İqtisadiyyat İnstitutundan AZƏRTAC-a bildirilib ki, tədbirdə “Dayanıqlı inkişafın təmin edilməsində mümkün islahatlar”, “Yoxsulluğun azaldılmasında xarici təcrübələr”, “Yoxsulluğun azaldılmasında beynəlxalq əməkdaşlıq” mövzularında müzakirələr aparılıb. Müzakirələr müvafiq olaraq Dünya Bankının prezidenti Cim Yonq Kim, Beynəlxalq Valyuta Fondunun vitse-prezidenti Devid Lipton və BMT-nin Ərzaq və Kənd Təsərrüfatı Təşkilatının sədri Xose Qraziano De Silvanın rəhbərliyi ilə keçirilib.

İqtisadiyyat İnstitutunun elmi işçisi Ə.Hüseynov forumun “Yoxsulluğun azaldılmasında xarici təcrübələr” bölməsində “Azərbaycanda yoxsulluğun azaldılması istiqamətləri” adlı təqdimatla çıxış edib. O, ölkəmizdə, xüsusilə də “2008-2015-ci illərdə Azərbaycan Respublikasında yoxsulluğun azaldılması və davamlı inkişaf” Dövlət Proqramının əhəmiyyətindən danışıb və büdcə xərclərinin yoxsulluğa təsirinin ekonometrik hesablamalarından çıxan nəticələri ilə bağlı mülahizələrini bölüşüb. Bununla yanaşı, Ə.Hüseynov tədbir iştirakçıları ilə birgə Şenzen, Honq-Konq, Şanxay şəhərlərində Çin hökumətinin yoxsulluğun azaldılması istiqamətində son 10 ildə gördüyü işlər və yaratdığı yeni infrastrukturla da tanış olub.

 





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
"Axan bir çayın kənarında olsanız belə, suyu israf etməyin" Məhəmməd peyğəmbər Avstraliyada suların üzərində yazılıb.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X