Bilgəh-Novxanı-Sumqayıt yolunun bir hissəsi bağlanır
Oktyabrın 26-sı saat 08:00-dan etibarən Bilgəh-Novxanı-Sumqayıt yeni avtomobil yolunun Əjdər Məlikov küçəsi ilə kəsişməsində hərəkət məhdudlaşdırılacaq.
Ens.az Qafqazinfo.az-a istinadən xəbər verir ki, bu barədə Azərbaycan Avtomobil Yolları Dövlət Agentliyi (AAYDA) məlumat yayıb.
Bildirilib ki, məhdudlaşdırılma aparılan təmir-bərpa işləri ilə əlaqədardır. Məlumata görə, avtonəqliyyat vasitələrinin hərəkəti 500 metr məsafədə tam olaraq məhdudlaşdırılacaq.
Sürücülərdən aparılan işlərə anlayışla yanaşmaları, hərəkət istiqamətlərinə uyğun alternativ yollardan istifadə etmələri xahiş olunur.
Şərhlər
Şərhləri göstər Şərhləri gizlət