Ens.az
20 oktyabr 2019, bazar
.
.
Mirkazim Nikbin

Bizsiz dünyada

Bizsiz dünyada 31.05.2016

Bir heyat yaşayır, bir ömür sürür,

Hərə bir iz qoyur izsiz dünyada.

Dünəni tarixdi, bugünü həyat,

Sabahlar gələcək bizsiz dünyada.

 

Mərdi var namərddən igidlik umar,

Düzü var əyridə doğruluq tapar,

Korlar var görəndən diqqətlə baxar,

Duyar ətrafını gözsüz dünyada.

 

Dili var dərdini heç kimə demir,

Fikrini danışıb anlada bilmir,

Lal var ünsiyyətə hər kəslə girir,

Alır istədiyin sözsüz dünyada.

 

Həya var insani qoymur danışa,

Qeyrət var başını qoyub balışa,

Bu çərxi fələklə girsən yarışa,

Olarsan hər daim üzsüz dünyada.

 

Nikbinə fərq etməz ya yaxşı, ya pis,

Deyiləm ey həyat mən sənə həris,

Mütləqi olmayan nisbilik naqis,

Nəyinə sevinim düzsüz dünyada.


X