BMT Fələstin-İsrail münaqişəsinin ikidövlətli həlli haqqında bəyannaməni təsdiqləyib

BMT Fələstin-İsrail münaqişəsinin ikidövlətli həlli haqqında bəyannaməni təsdiqləyib

Birləşmiş Millətlər Təşkilatının Baş Assambleyası cümə günü Fələstin-İsrail münaqişəsinin ikidövlətli həlli istiqamətində addımları əks etdirən bəyannaməni səs çoxluğu ilə təsdiqləyib.

Ens.az Oxu.az-a istinadən xəbər verir ki, bu barədə "Reuters" məlumat yayıb.

Bəyannamənin lehinə 142 ölkə, əleyhinə 10 ölkə səs verib, 12 ölkə bitərəf qalıb.

Sənəddə həmçinin İsrailin Qəzza zolağındakı hərəkətləri və HƏMAS-ın 2023-cü il oktyabrın 7-də həyata keçirdiyi hücumlar pislənir.

Qeyd olunur ki, yeddi səhifəlik bəyannamə Səudiyyə Ərəbistanı və Fransanın təşkilatçılığı ilə ötən iyulda BMT-də keçirilən beynəlxalq konfransın nəticəsidir.