Slimfit
  1. SİYASƏT

BMT-nin ikili yanaşması - Azərbaycana qarşı aparılan qarayaxma kampaniyalar nəticəsiz qalacaq

BMT-nin ikili yanaşması - Azərbaycana qarşı aparılan qarayaxma kampaniyalar nəticəsiz qalacaq
Sakura

BMT-nin ikili yanaşması - Azərbaycana qarşı aparılan qarayaxma kampaniyalar nəticəsiz qalacaq

Azərbayacan qarşı hazırda informasiya və beynəlxalq müstəvidə müharibə davam edir. Bu müharibənin baiskarları erməni diasporu, Ermənistan dövləti və eyni zamanda, Fransanın bugünkü hakimiyyətidir. Onlar Azərbaycanı "etnik təmizləmə"də günahlandırmağa davam edir. Məqsədləri də bəllidir. Onlar Qarabağ ermənilərinin gələcəyini Azərbaycansız görürlər.

Ens.Az-ın məlumatına əsasən,bunu Trend-ə Prezident yanında Dövlət İdarəçilik Akademiyasında müşavir, Bakı Politoloqlar Klubunun sədri Zaur Məmmədov deyib.

O qeyd edib ki, istər Avropa Parlamentində qəbul edilən qərar, istərsə də ABŞ parlamentariləri tərəfindən səsləndirilən bəyanatlar, eyni zamanda, BMT-nin Ədalət Məhkəməsində səsləndirilənlər, əlbəttə ki, Azərbaycana qarşı qarayaxma kampaniyasıdır.

"Azərbaycanı sevən və sevməyənlərə çox yaxşı məlumdur ki, əgər ermənilər "etnik təmizləmə"yə məruz qalsaydılar, Qarabağı başqa formada tərk edərdilər. Amma hər kəs gördü ki, onlar könüllü şəkildə bölgəni tərk etdi.

Kütləvi şəkildə bölgəni tərk etmələrinin də əsas səbəblərindən biri məhz separatçıların və Ermənistan dövlətinin bunu təhrik etməsidir. Bunu ona görə etdilər ki, Azərbaycana qarşı qarayaxma kampaniyası edə bilsinlər. Həqiqət isə ondan ibarətdir ki, Qarabağdakı separatçılar özləri ağ bayraq qaldırdılar və qondarma rejim buraxıldı. Belə olan təqdirdə Qarabağdakı ermənilərin qaldırmadığı məsələnin Fransa tərəfindən qaldırılması çox çirkin görünür və Fransa adına çox simasız davranışdır ", - deyə Z.Məmmədov əlavə edib.

Politoloq bildirib ki,onların nə deməsindən asılı olmayaraq, Azərbaycan öz doğru bildiyini edir.

"Biz 30 il onları dinlədik, gözlədik, lakin artıq 3 ildir ki, biz öz problemimizi özümüz həll edirik. Beynəlxalq müstəvidə də Azərbaycana qarşı aparılan qarayaxma kampaniyaları da nəticəsiz qalacaq", - deyə o vurğulayıb.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Bakı, 1959

Redaktor seçimi

SON XƏBƏRLƏR