28 may 2020, cümə axşamı
.
.
chevron_left chevron_right
AZƏRBAYCAN

Böyük qurumlar digər rayonlara verildi - Ağdam bölünür iddiası

Ağdam rayonunda böyük qurumların hamısı bölünərək qonşu rayonların tabeliyinə verilib.

208 Baxış
Böyük qurumlar digər rayonlara verildi - Ağdam bölünür iddiası

Ağdam rayonunda böyük qurumların hamısı bölünərək qonşu rayonların tabeliyinə verilib.

Yenicag.az-ın əldə etdiyi məlumata görə, Ağdam rayonundakı böyük qurumlar regionlaşma adı altında digər rayonlar arasında bölünüb. Bölünmə nəticəsində hazırda Ağdam rayonunda Mərkəzi xəstəxana və İcra Hakimiyyətindən başqa digər böyük qurumlar artıq yoxdur.

Belə ki, ekologiya idarəsi Tərtərə, mədəniyyət idarəsi Ağcabədiyə, təhsil idarəsi Tərtərə, su kanal idarəsi Mingəçevirə verilib.

8 iyun 2018-ci il tarixində Raqub Məmmədov Ağdam rayon icra hakimiyyətinin başçısı vəzifəsindən azad edildikdən sonra rayonun mərkəzi xəstəxanasının baş həkimi də işdən çıxarılıb. Artıq 3 aydır ki, Ağdam Mərkəzi rayon Xəstəxanasının baş həkim postu boşdur. Əldə etdiyimiz məlumata görə, Ağdamın səhiyyə idarəsinin də Bərdə rayonuna veriləcəyi deyilir.

Böyük idarələrin digər rayonlara verilməsi nəticəsində onlarla şəxs işsiz qalıb. Belə ki, qurumların qonşu rayonlara verilməsi ilə orada işləyənlərin böyük əksəriyyəti işdən azad edilib. Hər idarədən yalnız bir neçə nəfər işdə saxlanılıb.

Baş verənlər rayon camaatı tərəfindən də narazılıqla qarşılanır. İnsanlar artıq aidiyyatı qurumlara getmək üçün digər rayonlara üz tutmalı olurlar. Bu isə vaxt itkisi və əlavə xərc deməkdir.

Qurumların digər rayonlar arasında bölünməsi rayonun özünün də digər rayonlar arasında bölünə biləcəyi iddiasını ortaya gətirib.

Maraqlıdır ki, ərazisinin böyük hissəsi işğal altında olsa da, Ağdam rayonu əhalisinin sayına görə digər rayonlardan üstünlük təşkil edir. Rayon sakinləri regionlaşma adı altında atılan bu addımda əhalinin sayının nəzərə olmasının önəmini xüsusi ilə vurğulayıblar.

Ağdam rayon İcra Hakimiyyətinin İnformasiya sektorunun müdiri Vüsal Mirzəyev saytımıza açıqlamasında böyük qurumların digər rayonlara verilməsini təsdiqləyib. O qeyd edib ki, baş verənlər idarəetmədə olan dəyişikliklərə bağlıdır:
“Bu, rayona aidiyyatı olmayan məsələdir. Mərkəzi icra orqanlarının qərarıdır. Digər rayonlarda da belə hallar müşahidə edilir. Məsələn, Ağdamın mədəniyyət idarəsi ilə yanaşı Laçın rayın mədəniyyət idarəsi də Ağcabədiyə verilib”.

Ötən gün Ağdam rayon icra hakimiyyətinə 3 aydan sonra yeni icra başçısı təyin edildi. Yeni icra başçısının isə qarşısında çoxlu sayda problemlər durur. Rayonda işsizliyin pik həddə olması və əkilən məhsulların batması yeni başçı Vaqif Həsənovun həll etməli olduğu əsas məsələlərdən sayılır.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Çində 3D printerlə çap olunmuş dünyada ən uzun beton körpüsü inşa olunub. Onun uzunluğu 26,3m, eni 3,6m-dir. Formasına görə ölkədəki 1400 illik ən qədim Ançzi keçidini təkrarlayır. Tikintiyə 176 beton bloku və 450 saat sərf edilib.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X