“Brexit” reallaşmaq üzrədir – Britaniya Avropaya 33 milyard funt odəyəcək

“Brexit” reallaşmaq üzrədir – Britaniya Avropaya 33 milyard funt odəyəcək

Britaniya və Avropa Birliyi ölkənin qurumdan çıxması qaydaları haqda razılığa gəliblər.

BBC xəbər verir ki, razılaşmaya əsasən, “Brexit” Britaniya xəzinəsinə 33 milyard funt sterlinqə (72 milyard manat) başa gələcək.

Razılaşma Britaniyanın Avropa Birliyindən ayrılması şərtlərini tənzimləyir, həmçinin əsas problem sayılan İrlandiya və Şimali İrlandiya arasında sərhədlərin şəffaflığına aydınlıq gətirir.

“İradə varsa razılıq da var! Bizdə var!”, - Avropa Komissiyasının sədri Jan-Klod Yunker razılaşmanı belə şərh edib.

Öz növbəsində Britaniyanın baş naziri Boris Conson sevincini gizlətməyib:

“Bizim əlimizdə əla yeni razılıq var. Bu bizə ölkə üzərində nəzarəti bərpa etməyə imkan verəcək”.

Bununla da söz Britaniya parlamentinə verilir: şənbə günü deputatlar növbədən kənar iclasa toplaşacaqlar.