25 fevral 2020, çərşənbə axşamı
.
.
chevron_left chevron_right
DÜNYA

Britaniya mətbuatı: İrana qarşı sanksiyalardan ən çox kasıblar əziyyət çəkir

Britaniya mətbuatı: İrana qarşı sanksiyalardan ən çox kasıblar əziyyət çəkir

253 Baxış
Britaniya mətbuatı: İrana qarşı sanksiyalardan ən çox kasıblar əziyyət çəkir

İranın bələdiyyə bazarları uzun növbələri ilə məşhur idi. Alıcılar endirimli qiymətlərlə ət, tərəvəz və meyvə almaq üçün növbəyə durardılar. Bu gün isə alıcılar xeyli azalıb. Nəsə almağa gələnlər ancaq günlük ehtiyaclarını qarşılayacaq şeyləri seçməyə çalışır, aşağı gəlirli ailələr isə çətinlik çəkir.

"Allah bu rejimin və rüşvətxor rəhbərlərin bəlasını versin. Öz övladlarını ABŞ və Kanadaya göndərirlər, amma bizi hər gün daha da kasıblaşdırırlar", Financial Times qəzeti kahı və kələmin pulunu ödəyə-ödəyə danışan orta yaşlı bir qadından sitat gətirir.

ABŞ-ın İrana qarşı yeni sanksiya tətbiq etdiyi dövrdə İranda belə şikayətlər adi hala çevrilməkdədir.

Təhlilçilər deyirlər ki, xalq və rejim arasındakı qopma 1979-cu il inqilabından bu yana heç bu qədər böyük olmamışdı. İran ilin əvvəlində minlərlə insanın küçələrə çıxdığı nümayişlərdən sonra fasilələrlə etiraz aksiyalarına şahid olur. Nümayişlərin çoxu kiçik olub və su problemindən tutmuş işsizliyə qədər müxtəlif səbəbləri var idi.

Xalqın narazılığının əsas səbəbinin rüşvətxorluq iddiaları və siyasətçilərlə yaxın münasibətdə olan iş adamları olduğu deyilir.

İranın Amol şəhərində yaşayan 61 yaşlı keçmiş İnqilab keşikçisi Əli, "rüşvətxorluq o qədər çoxdur ki, hər yerə sızıb. Rüşvətə batmış insanların ciblərini doldurmaq üçün niyə günlük problemlərlə əlləşək və həyatımızı riskə ataq ki?" deyir.

Bələdiyyə bazarındakı bir satıcı Financial Times qəzetinin müxbirlərinə deyir ki, artan qiymətlər satışların 50 faiz azalmasına səbəb olub.

"Əvvəllər ət yeyə bilməyən insanlar ən azından qatıq və çörək yeyə bilirdi. İndi bəzi ailələr qatıq belə ala bilmir" deyib.

Bərpa edilmiş sanksiyalar nəyi əhatə edir?

ABŞ prezidenti Donald Trump-ın imzaladığı sərəncam ilə İrana qarşı sanksiyalar çərşənbə axşamı 00:01-dən yenidən qüvvəyə minib.

İran prezidenti Həsən Ruhani sanksiyaların bərpasını "psixoloji müharibə" adlandırıb.

Avropa İttifaqı sanksiyalara qarşı çıxış edib və "qanuni bizneslə" məşğul olan şirkətləri qorumağı vəd edib.

Bu ilin əvvəlində ABŞ İranın nüvə müqaviləsi kimi tanınan Birgə Kompleks Hərəkət Planınından çıxıb.

Sanksiyalar bunlardır:

  • İran hökuməti tərəfindən ABŞ əskinaslarının satın alınması və ya əldə edilməsi
  • İranın qızıl və digər qiymətli metallarla ticarəti
  • Sənayedə qrafit, alüminium, polad, kömür və proqram təminatının istifadəsi
  • İran rialına bağlı əməliyyatlar
  • İrana dövlət borcunun verilməsi ilə bağlı tədbirlər
  • İranın avtomobil sektoru

Mənbə: BBC Azərbaycanca





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
Çində 3D printerlə çap olunmuş dünyada ən uzun beton körpüsü inşa olunub. Onun uzunluğu 26,3m, eni 3,6m-dir. Formasına görə ölkədəki 1400 illik ən qədim Ançzi keçidini təkrarlayır. Tikintiyə 176 beton bloku və 450 saat sərf edilib.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X