"Çanaqqala şəhidlərinin nəvələri kimi müstəqilliyimizdən heç vəchlə vaz keçməyəcəyik", R.T.Ərdoğan

 Türkiyə prezidenti Rəcəb Tayyib Ərdoğan türk xalqının istiqlal, istiqbal və azadlığını heç nəyə qurban verməyəcəyini vurğuladı.  

  Çanaqqala Zəfərinin 104-cü ili və 18 Mart Şəhidlərini Anma Günü münasibətilə mesaj paylaşan Ərdoğan deyib:

  "Çanaqqala şəhidlərinin nəvələri olaraq müstəqilliyimizdən və gələcəyimizdən heç bir şəkildə vaz keçməyəcəyik.

  Bu gün Vətənimiz üzərində oynanmaq istənən oyunlara, millətimizə qarşı xain planlara qətiyyətlə qarşı çıxır, qadını, kişini, gənci, yaşlısı ilə birlikdə bütün vətəndaşlarımızla çiyin-çiyinə aydın sabahların inşası üçün qorxmadan çalışırıq”.

  Türkiyə Milli Müdafiə naziri Hulusi Akar da yayımladığı bayram mesajında deyib: “Bu ruhu anlamaq və gələcək nəsillərə ötürmək hər kəsin borcudur. Gözünüz arxada qalmasın, şəhidlərimiz. Qanınız yerdə qoyulmadı və qoyulmayacaq. Göz yaşlarının da hesabı soruşulub, soruşulacaq. Türkiyə Silahlı Qüvvələri vətən torpaqlarının bütövlüyünü, xalqımızı hədəfə alan, başda FETÖ, PKK/KCK/PYD-YPG və DAEŞ kimi terror təşkilatları olmaqla, hər cür təhdid və təhlükəyə qarşı mübarizə aparır."

Mənbə: Trt.net.tr