Slimfit
  1. CƏMİYYƏT

Cavid Paşayev evə buraxıldı

Cavid Paşayev evə buraxıldı
Sakura

Cavid Paşayev evə buraxıldı

COVID-19 virusuna yoluxaraq xəstəliyi çox ağır vəziyyətdə keçirən həkim, Tibb Universitetinin Tədris Cərrahiyyə Klinikasının reanimasiya şöbəsinin müdiri Cavid Paşayev bu gün sağalaraq xəstəxanadan evə buraxılıb.

"Qafqazinfo" C.Paşayevin müalicə olunduğu Mərkəzi Gömrük Hospitalında ondan və onun müalicəsinə rəhbərlik edən həkimdən müsahibə alıb. 

C.Paşayev bildirib ki, COVID-19 virusu Azərbaycanda yayılmağa başlayandan bəri o da həkim kimi mübarizəyə qoşulub:

“İyunun sonunda mən də koronavirusa yoluxdum. İlk günlər vəziyyətim stabil idi. Sonra vəziyyətim ağırlaşdı, bura gətirildim. İlk gündən mənə dövlət rəhbərliyi - Prezidentimiz və Mehriban xanım Əliyeva tərəfindən ciddi nəzarət olundu. Anar müəllim (Anar Ələkbərov - red.) hər gün mənim səhhətimlə maraqlanırdı. Hər bir şeylə təmin olunmuşdum. Buna görə hər kəsə minnətdaram. Bu xəstəlik ciddi xəstəlikdir, bu xəstəliklə zarafat etmək olmaz. Bu xəstəlik var və nümunəsi də mənəm” 

Mərkəzi Gömrük Hospitalının  Anesteziologiya və Reanimasiya şöbəsinin rəisi Tural Sadıqov bildirib ki, Cavid Paşayev ilk günlərdə tənəffüs aparatına qoşulduqdan sonra tənəffüsü təminedici olmadığına görə ECMO cihazına qoşulub:

“12 gün müddətinə ECMO cihazı vasitəsilə müalicəsi davam etdirildi. Müsbət nəticələr alınandan sonra ECMO cihazından ayrılaraq süni tənəffüs aparatına qoşuldu. Hazırda ümumi vəziyyəti nisbi kafidir, huşu aydındır, xəstəmiz aktivləşdirilib və ambulator müalicəyə buraxılır. 

Dövlətimizin və Gömrük Komitəsinin dəstəyi ilə yaradılan şərait, tibbi avadanlıqlarla təmin olunma, tibb preparatların, dərmanların çatdırılması nəticəsində biz COVID-19 virusu ilə mübarizədə yüksək nəticələr əldə edirik. Cavid Paşayev də buna bir nümunədir”

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Dünyada ən sürətli təkər üzərində ev öz rekordunu yenilədi. Keçən il onun sürəti 128km/s idi, may ayında bu sürəti 162,61 km/s-a qədər artırdı, indi isə yarım km artırdı.

Redaktor seçimi

SON XƏBƏRLƏR