Ens.az
18 oktyabr 2019, cümə
.
.
chevron_left chevron_right
ƏDƏBİYYAT

Cəfər Cabbarlı - Arvadlar deyirlər

Cəfər Cabbarlı - Arvadlar deyirlər

Cəfər Cabbarlı - Arvadlar deyirlər

Tanrı kəsibdir bizim ərlərin insafını; 
Sən ki bilirsən, Baba, onların övsafını?!

Düşbərə, bir filməsəl, şit düşər isə əgər, 
Evdə qiyamət salır, hər nə bilirsə söyər; 
"Adə, a heyvan qızı", yoxmudur ağlın məgər? 
Dinsə əgər arvadı, haydı, doyunca döyər.
Tanrı kəsibdir bizim ərlərin insafını; 
Sən ki bilirsən, Baba, onların övsafını?!

Gündə qumar oynayır, bilməz işin dalını; 
Baxtalayır arvadın sırğasını, şalını; 
İçkiyə sərf eyləyir yerdə qalan malını. 
Kim bizə bənd etdi bu həmşəri hambalını? 
Tanrı kəsibdir bizim ərlərin insafını; 
Sən ki bilirsən, Baba, onların övsafını?!

Gündə gedir bəlkə bir rus xanımın yanlasın, 
Arvadını tullayıb evdə pərişanlasın, 
Yaz buları jurnala, xəlqi-cahan anlasın, 
Bəlkə o bədüzləri qeyriləri danlasın. 
Tanri kəsibdir bizim ərlərin insafını; 
Sən ki bilirsən, Baba, onların övsafını?!

Axırı arvadların qəlbini xun etdilər, 
Əqli-səlim əhlini yaxşı cünun etdilər, 
Əlif kimi qamətin həlqeyi-nun etdilər. 
Müxtəsər, arvadları xarü zəbun etdilər. 
Tanrı kəsibdir bizim ərlərin insafını; 
Sən ki bilirsən, Baba, onların övsafını?!





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Dünyanın ən bahalı evini Frenk Bakli tikib. İrland dizayneri tikinti materialı əvəzinə puldan istifadə edib
Emosiya ilə reaksiya ver!
  • 1
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X