Ens.az
21 iyul 2019, bazar
.
chevron_left chevron_right
ƏDƏBİYYAT

Cəfər Cabbarlı - Bilirəm (Millətə hər nə yazırsansa, rəvadır, bilirəm)

Cəfər Cabbarlı - Bilirəm (Millətə hər nə yazırsansa, rəvadır, bilirəm)

Cəfər Cabbarlı - Bilirəm (Millətə hər nə yazırsansa, rəvadır, bilirəm)

Millətə hər nə yazırsansa, rəvadır, bilirəm, 
Ay Baba, yazdığın hər dərdə dəvadır, bilirəm.

Leyk yazdıqların əsla eləməz xalqa əsər, 
Söyləyirsən, çığırırsan, bağırırsan da hədər, 
Yenə millət, babası getdiyi yol ilə gedir. 
Boyasan rəng ilə daşı yenə daşdır, nə ki zər. 
Millətə hər nə yazırsansa, rəvadır, bilirəm, 
Ay Baba, yazdığın hər dərdə dəvadır, bilirəm.

Yazdığın daşları hərçənd kəbab etmədədir, 
Köhnələr indi də bicliklə savad etmədədir, 
Hamısı çəngü tərəb şürbə şitab etmədədir, 
Qış gəlir, kürsü qurulmuş, hamı xab etmədədir. 
Millətə hər nə yazırsansa, rəvadır, bilirəm, 
Ay Baba, yazdığın hər dərdə dəvadır, bilirəm.

O ki, bir çoxları dövlətlilərinin zadəsidir, 
Hamısı ləhvü ləəb, bicliyin amadəsidir, 
Atası - lal, babası - əldə olan badəsidir. 
O qoduqlar hamısı qızların iftadəsidir. 
Onların dərdinə bir Anna dəvadır bilirəm, 
Millətə hər nə yazırsansa, rəvadır bilirəm.

Hər nə yazsan yeri var, yazma itilget sözünü, 
İş məqamında görərsən hamı örtər gözünü. 
Səkkiz il baş darayar, ya da ki, çırpar tozunu, 
Boş yerə çırmalanıb, ortaya tullar özünü. 
Sənəti büxlü həsəd, kibrü riyadır, bilirəm, 
Millətə hər nə yazırsansa, rəvadır, bilirəm, 
Ay Baba, yazdığın hər dərdə dəvadır, bilirəm.


VİDEO QALEREYA
Bayquşlar - gecə ovçularıdır və buna görə də onların gözü böyük və mürəkkəbdir ki, görmək və günün qaranlıq vaxtında qurbanı yüksək sürətlə tutmaq üçün daha asan olsun. Buna görə də bayquşlar göy rəngi görə bilən yeganə quşdur.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X