Ens.az
12 noyabr 2019, çərşənbə axşamı
.
.
chevron_left chevron_right
ƏDƏBİYYAT

Cəfər Cabbarlı - Hürriyyət və təsəttüri-nisvan

Cəfər Cabbarlı - Hürriyyət və təsəttüri-nisvan

Cəfər Cabbarlı - Hürriyyət və təsəttüri-nisvan

Ay Baba, bir bax gör mənim başıma nə zorba iş gəlmişdir. Neçə il bundan qabaq filan əfəndi filan əfəndi ilə ağıiz-ağıza verib "hürriyyəti-nisvan", - deyə bağırırdılar. Hətta iş bir məqamə çatmışdı ki, hər kəs, istər şair və ya mühərrir olsun, bismillah əvəzində "hürriyyəti-nisvan", - deyə bağırırdi. Mən də öz-özümə dedim:
- Gördün ki, iki nəfər sənə dedi piyansan, qoy başını yerə ki, piyanam; yəni vaxta ki, filan əfəndilər "hürriyyəti-nisvan"ı yaxşı bilirlər, deməli, yaxşı şeydir. Odur ki, hürriyyəti-nisvan deyə bir şəstlə banladım.
Doğrudan da, hürriyyəti-nisvan mən başa düşən kimi olsaydı, elə yaxşı olardı! Mən belə anlayırdım ki, hürriyyəti-nisvan bundan ibarətdir, məsələn: arvad oxuyar ədəb alar, uşaqlarına ədəb verər, kişiylə rəftar eləməyin tərzini öyrənər. Daha döyülməz, doktor-moktor olub, müslimələrə müalicə edər; uşaq saxlamağı öyrənib uşağa tiryək verə-verə daha çöpə döndərib öldürməz. Xülasə, belə işlərə mübaşirət edərlər. Bununla özləri də asudə olar, millət dəxi səadətə yetər. indi görürəm, xeyr a... hürriyyəti-nisvan mən zənn etdiyim deyilmiş, bir ayrı şey imiş.
... Hürriyyət və təsəttüri-nisvan, ikisi də ondan ibarətmiş ki, arvad üz-gözünü, döşünü, sinəsini, əl-ayaqlarını... layıb bulvara, kluba, oyan-buyana çıxsın. İndi özüm də məəttəl qalmışam ki, biz hansı hürriyyəti-nisvandan istəyirdik. Əgər sözümü dəbbələyim, o vaxt mənə də bəzi intelligentlərimiz kimi məzhəbsiz deyəcəklər. Əgər dəbbələməyib desəm ki: hə, hələ yaxşı hürriyyəti-nisvandır, bu da yaramaz, Molla Babanın müridləri ilə qələt eləyib, belə işə "hə" demərəm. Xülasə, qalmışam cənnətlə cəhənnəm arasında. Qızlar da o qədər qudurmuşlar ki, gətirib "Babai-Əmir"də kişilərə protesto yazmışlar. Eh, vallahi, onlan o qədər döydürürəm ki, Molla Baba özü də afərin deyər. Demə yazıq Molla Baba qabaqca bilirmiş hələ mən də bilirdim. Amma bu xalqı başa sala bilmədik. Şairliyim yavaş-yavaş cuşə gəlir, deyəsən, protesto yazacaq.

Qudurmayın siz, a qızlar, axır bəlayə düşərsiz! 
Sizi o qədr döyərlər ki, ah-vayə düşərsiz!

Deyərdi Molla Baba: qoymayın bu qızları dərsə, 
Bizə kələk törədər qız ülum təhsil edərsə.
Yazıq ha dad elədi, qız azar, dərsə gedərsə,
Bu xalq inanmadı, fırlatdı düzgün işləri tərsə. 
Qudurmayın siz, a qızlar, axır bəlayə düşərsiz! 
Sizi o qədr döyərlər ki, ah-vayə düşərsiz!

Adam kimi oxuyursuzsa, pudra-mudra nədir bəs? 
Gedin günüzləri dərsə, gəlin evə yenə bisəs. 
Deyən gərək bulara bu klub nə şeydir, a nakəs!? 
Qudurmayın siz, a qızlar, axır bəlayə düşərsiz! 
Sizi o qədr döyərlər ki, ah-vayə düşərsiz!

Əvvəlcə duymuşdum qızların kələklərini mən, 
Ha söylədim, ha dedim, heç kəs eşitmədi məndən; 
Adam tutub ayıra bu qızın başını bədəndən; 
Xülasə, lap çaşıb ağlım, baxır bu xalq da gendən, 
Qudurmayın siz, a qızlar, axır bəlayə düşərsiz! 
Sizi o qədr döyərlər ki, ah-vayə düşərsiz!

Əvvəlcə anlamamışdım nədir təsəttüri-nisvan, 
Deyirdim elm oxuyub, qız olar özünə bir insan. 
Necə ki, hökm eləyib müsliminə ayəti-Quran, 
Döşün açib gəzəcəkdir bilirmiyəmmi Tükəzban? 
Qudurmayın siz, a qızlar, axır bəlayə düşərsiz! 
Sizi o qədr döyərlər ki, ah-vayə düşərsiz!

Bu vaxtda yaraşırmı, xanımlarım, bizə bulvar? 
Eşitmişsinizmi bizim türklərdə böylə məsəl var: 
Əvvəlcə çıx yoxuşu, sonra gözlə pişdə həmvar; 
Siz indidən ki, belə tutmuşsuz, bununla nə artar? 
Qudurmayın siz, a qızlar, axır bəlayə düşərsiz! 
Sizi o qədr döyərlər ki, ah-vayə düşərsiz!





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Şuşada Molla Pənah Vaqifin ağacdan oyma heykəli -1985-ci il
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X