Cəhənnəm düşərgəsindən xilas etdiyi qadın ilə 70 il eşq yaşayan qəhrəman...

İkinci dünya müharibəsi bir çox insana dəhşət yaşadıb. Xüsusilə də nasistlərin etdiyi soyqırımlar insanlıq adına böyük bir ləkə oldu. Bir çox həbs düşərgələrində yəhudilərə qarşı işgəncələr edilmişdi. Nəhayət, burada yaşanan dəhşət bir gün sona çatdı. Bu müharibədən geriyə qalan bir neçə xoş xatirə də var.

Edit Ştayner adlı qadını almanların ən qorxunc düşərgəsi olan “Auschwitz”dən xilas edən Con Makkey özünün eşq hekayəsini yazmış oldu.

1944-cü ildə 23 yaşında olan Con Makkey 20 yaşlı Edit Ştayneri xilas edərkən onunla uzun bir ömür keçirəcəyini təsəvvür belə, etməmişdi. O, Edit Ştayner ilə birlikdə xeyli insanı həmin düşərgədən xilas etmişdi.

Edit Ştayner müharibə zamanı ailə üzvləri də daxil olmaqla, 39 nəfər yaxınını itirmişdi. Edit Ştaynerin bir tək anası sağ qalmışdı. O, anasını da düşərgədə ağır xəstəlik səbəbindən itirmişdi. Edit Ştayner düşərgədən xilas ediləndə artıq kimsəsiz gənc bir qız idi.

Daha sonra bu qurtuluşu qeyd etmək üçün gənclər bir araya toplanıb, əylənmək qərarı vermişdi.

Təşkil edilən əyləncədə Con Makkey bir dostundan Edit Ştaynerin onunla rəqs edib-etməyəcəyini soruşmasını istəmişdi. Edit Ştayner isə Con Makkeynin bu təklifi şəxsən özü etdiyi halda onunla rəqs edəcəyini bildirmişdi. Bu rəqs 70 illik bir eşq hekayəsinin başlanğıcı olmuşdu.

Onlar 17 iyul 1946-cı ildə ailə həyatı qurdular. Savaşın cəhənnəmindən qurtulub, ailə quran cütlüyün bir qız və bir oğlan övladları da dünyaya gəlib.

Şaron və Peter adlı uşaqları ilə birlikdə Şotlandiyaya gələn cütlük ömürlərini elə burada da davam etdiriblər. Şotlandiyada “Atholl Arms” adlı bir otelə sahib olan gənc cütlük burada öz bizneslərini daha da genişləndirdilər.

Edit Ştayner 2017-ci ildə evliliklərinin 71-ci ilində vəfat edib. O, iyunun 26-da evliliklərinin 71-ci ildönümünə 3 həftə qalmış həyata gözlərini yumub.