Slimfit
  1. QƏHRƏMANLAR VƏ ŞƏHİDLƏR

Cəlil Səfərov Əziz oğlu

Cəlil Səfərov Əziz oğlu
Sakura

DOĞUM TARİXİ: 28/01/1962 VƏFAT TARİXİ: 15/05/1992

28 yanvar 1962-ci ildə Gürcüstan Respublikasının Marneuli rayonunun Lejbəddin kəndində  doğulmuşdur. Ailəlikcə Sumqayıt şəhərinə köçmüşdür. 1969-cu ildə Sumqayıt şəhər 10 saylı orta məktəbinin birinci sinfinə getmiş,  1977-ci ildə səkkizinci sinfi bitirərək, C.Naxçıvanski adına Hərbi Litseyə qəbul edilmişdir. 1980-ci ildə təhsilini başa vurmuş və həmin il Vladiqafqaz Hərbi Raket-Zenit Komandirləri Məktəbinə daxil olmuşdur. Təhsilini Saratov vilayətinin Engels şəhərində tamamlamışdır. 1984-cü ildə leytenant rütbəsi ilə Qazaxıstanın Priozyorsk və Balxaş şəhərlərində yerləşən hərbi hissələrdə çalışmağa başlamışdır. O, 8 il burada işlədikdən sonra Azərbaycana qayıtmış və Respublika Müdafiə Nazirliyinin Operativ İdarəsində baş zabit vəzifəsinə təyin edilmişdir. C.Səfərov bir müddətdən sonra zabitlər qrupu ilə birlikdə Dağlıq Qarabağa ezam olunmuşdur. Ezamiyyət müddəti bitdikdən sonra o, döyüş bölgəsində qalmış və hərbi hissədə xidmət etməyi daha üstün tutmuşdur. O, Şuşa döyüş bölgəsində erməni yaraqlılarına qarşı   aparılan hərbi əməliyyatlarda mərdliklə döyüşür, düşmən texnikasına dəqiq və sarsıdıcı top zərbələri endirilməsinə başçılıq edirdi. Bunun nəticəsində bir neçə yaşayış məntəqəsi azad edilmiş, dinc sakinlərin təhlükəsiz yerlərə köçürülməsi təmin edilmişdi.

Təcrübəli zabit C.Səfərov 15 may 1992-ci ildə Şuşa rayonunun Turşsu-Zarıslı istiqamətində gedən ağır döyüşlərdə iştirak etmiş, onlarla erməni yaraqlısını məhv edərək, qəhrəmancasına həlak olmuşdur.

Ailəli idi. İki övladı yadigar qalıb.

Azərbaycan Respublikası prezidentinin 7 iyun 1992-ci il tarixli 833 saylı fərmanı ilə kapitan Səfərov Cəlil Əziz oğluna ölümündən sonra “Azərbaycanın Milli Qəhrəmanı” adı verilmişdir.

Bakı şəhərinin Şəhidlər xiyabanında dəfn edilmişdir.

Sumqayıt şəhərindəki 10 saylı orta məktəb onun adını daşıyır. Gürcüstan Respublikasının Marneuli rayonunun Lejbəddin kəndində abidəsi ucaldılıb.

 

Mənbə: Milliqahramanlar.az

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Hacı Zeynalabdin Tağıyevin cangüdəni, 1900-cü il.

Redaktor seçimi

SON XƏBƏRLƏR