Çin komandası 104 gündən sonra koronavirusun ortaya çıxdığı şəhərdə
Futbol üzrə Çin Super Liqasında çıxış edən "Uhan Zall" komandası 4 aydan sonra təmsil etdiyi şəhərə qayıdıb.
"Report"un məlumatına görə, yanvarda İspaniyanın Malaqa şəhərinə təlim-məşq toplanışı üçün gedən kollektiv koronavirus səbəbindən ölkəyə dönə bilmirdi.
Uhan şəhəri karantində olduğundan, komanda İspaniyadan Almaniyaya, oradan isə Çinin Şençjen şəhərinə yollanmışdı. Futbolçular burada 3 həftə ərzində karantində qalmışdılar.
Oyunçular və məşqçilər heyəti 104 gündən sonra Uhan şəhərinə qayıda biliblər. Komandanı azarkeşlər qarşılayıb, kollektivin aprelin 22-də məşqə başlayacağı bildirilib.
Qeyd edək ki, koronavirus 2019-cu ilin sonlarında məhz Uhandan yayılmağa başlayıb.
Şərhlər
Şərhləri göstər Şərhləri gizlət