Cinera: ev şəraitində IMAX

Cinera – funksionallığına görə IMAX kinoteatrına bənzəyən 3D eynəkdir. İstehsakçıların fikrincə onlarla siz daha güclü effekti hiss edə biləcəksiniz.

Şirkət qeyd edir ki, Cinera-nı taxaraq insan başqa dünyaya daxil olur. Sanki o sevimli filminin mərkəzində yerləşir: hər şey onun ətrafında baş verir, səslər isə çox realdır.

Cihaz 2.5K displeyi ilə təmin olunub. İstehsalçıların sözünə görə daxili stereoskopik sistem o deməkdir ki, hər göz özünün ekran panelinə malik olacaq və hər gözə işıq ayrıca düşəcək. Bunun hesabına Cinera-da filtr və keyfiyyət itməsi yoxdur. Bu da şirkətin dediyi kimi daha parlaq və canlı 3D görüntünü görməyə imkan verir.

Kinoteatrda bu hissiyyatı daha böyük ekran yaşadır. Lakin Cinera istehsalçıları qeyd edir ki, böyük hər zaman ən yaxşısı demək deyil. Bizi görməmiz iki sahədən ibarətdir: mərkəzi (30 dərəcə) və periferik. Sonuncuda yerləşən obyektləri biz daha bulanıq görürük, lakin məhz o bu effekti mümkün edir. Cinera istehsalçıları ideal variantı seçiblər – 66 dərəcəli görmə sahəsi.

Cinera həm də şarnirlərdə xüsusi mexaniki qollara malikdir ki, bu da istəyə görə cihazın vəziyyətini nizamlamağa imkan verir.

Startap artıq 90 min dollar vəsait toplayıb (məqsəd 50 min dollar idi). Daha ətraflı cihazın Kickstarter-dəki rəsmi səhifəsindən ala bilərsiniz.

Müəllif: Famil Ələkbərov