Dembeleyə yeni müştəri çıxıb
"Arsenal"a transferi baş tutmayan fransız futbolçu üçün yeni müştəri çıxıb.
FaktXəbər-in məlumatına görə, ötən mövsümün əvvəlində "Barselona"ya böyük ümidlərlə transfer olunan, ancaq keçən müddətdə gözləntiləri doğurltmayan Osman Dembele ilə PSJ-nin maraqlandığı bildirilir.
"Mundo Deportivo" transfer dövrü ərzində "Arsenal"ın gündəmində yer alan, ancaq London klubunun heyətinə cəlb etməyi bacarmadığı Dembele üçün PSJ-nin ciddi təklif etməyə hazırlaşdaığını yazıb.
Xəbərdə qeyd edilir ki, PSJ-nin yeni baş məşqçisi Tomas Tuçel ilə Dembele "Borusiya Dortmund"da birlikdə işləyiblər. Bundan başqa isə onlar bir-biri barədə tez-tez komplement səsləndiriblər.
Qəzet bununla yanaşı yazır ki, "Barselona" rəhbərliyi astronomik təklif almadığı müddətdə Dembeleyi əldən buraxmağı düşünmür.
"Borusiya Dortmund"dan "Barselona"ya 105 milyon avroya transfer olan Osman Dembele zədələndiyi üçün ötən mövsüm 23 rəsmi oyunda yaşıl meydana çıxa bilməmişdi. Qalan oyunlarda isə Katalon komandasına 3 qol, 7 asistlik töhfə vermişdi.
Şərhlər
Şərhləri göstər Şərhləri gizlət