Deputatdan əsgərimizin döyülməsinə REAKSİYA: "Erməni xalqının xəstə təxəyyülü heç zaman dəyişməyəcək"

"Azərbaycan əsgərinin vəhşicəsinə döyülməsi, qətldə günahlandırılması erməni xalqının əsil mahiyyətini tam əks etdirir".

Bunu Redaktor.az-a açıqlamasında deputat Ceyhun Məmmədov Azərbaycan Ordusunun itkin düşən əsgərinin Ermənistanda tapılaraq işgəncəyə məruz qalmasına münasibət bildirərkən deyib.

Millət vəkili qeyd edib ki, illər keçməsinə baxmayaraq, erməni xalqının mahiyyəti və xəstə təxəyyülü dəyişməyib:

"Və görünən odur ki, heç zaman dəyişməyəcək. Ona görə tariximizi yaxşı öyrənib, ciddi nəticələr çıxarmalıyıq. Tarix xalqlar başlarına gələn faciələri unutmayanda təkrarlanmır.

Azərbaycanlılar heç vaxt ermənilərlə belə vəhşi davranmayıblar, əksinə yaralı erməni əsgərinə ilkin tibbi yardım göstəriblər. Çünki bizim dinimiz, mədəniyyətimiz bizə digər xalqlara qarşı vəhşiliyi təbliğ etmir".

C.Məmmədovun fikrincə, bu, həm də onu göztərir ki, Ermənistan, erməni xalqı sülhə hazır deyil.

"Tarixin bütün dövrlərində olduğu kimi, bu gün də erməni xalqı qisas və düşmənçilik hissi ilə yaşayır. Avropa Parlamenti, Fransa və Ermənistanın digər havadarları bu vəhşiliyə münasibət bildirsinlər, bu barbarlığı pisləsinlər. Əsil vəhşilik və barbarlıq budur. Vəhşi, barbar biz yox, ermənilərdir", - deyə deputat qeyd edib.

Xatırladaq ki, mediada Naxçıvan Muxtar Respublikasının Şahbuz rayonunun ərazisindən əlverişsiz hava şəraitində məhdud görmə səbəbindən itkin düşmüş Azərbaycan Silahlı Qüvvələrinin hərbi qulluqçusu 2003-cü il təvəllüdlü Axundov Hüseyn Əhliman oğlunun Ermənistan Respublikası ərazisində əsir düşməsi və ona əlləri bağlı şəkildə açıq-aydın işgəncə verilməsi, qeyri-insanı rəftara məruz qalmasına dair videogörüntülər yayılıb.