Dezinfeksiyaedici məhsulla bağlı xəbərdarlıq: Dəri xəstəliklərinə səbəb olur

Əllərin tez-tez və uzun müddət yuyulması dərinin yağ təbəqəsinin azalması və qurumasını sürətləndirir. Dezinfeksiyaedici məhlulla əllər təmizləndikdən sonra uzun müddət su ilə yuyulmursa, bu, ciddi dəri problemlərinə yox açır.

Ens.az Teleqraf.com-a istinadən xəbər verir ki, dezinfeksiyaedici məhsulların tərkibində spirt, su və mikroblar üzərində təsir göstərən kimyəvi maddələr var. Əksər dezinfektantların içində nəmləndirici əlavələr olsa da, tərkibindəki spirt və kimyəvi maddələr səbəbindən uzun müddət saxlanıldıqda dərinin quruması və sonrakı dəri problemlərinə səbəb ola bilər.

Əllərin həddən artıq yuyulması və dezinfeksiyaedicidən istifadə çatlar və ekzema kimi dəri problemlərinə səbəb olur.

Dezinfeksiyaedici məhsuldan istifadədən sonra ilk fürsətdə əlləri yumaq lazımdır. Yuyucu vasitələrin istifadəsindən sonra nəmləndirici istifadəsi tövsiyə olunur. Bu, bəzi yuyucu vasitələrin zərərli təsirlərini aradan qaldırır. Yalnız ehtiyac olduğu təqdirdə əllər yuyulmalı və dezinfeksiya edilməlidir.