Dollu Mustafa - Dol qalasına

Dollu Mustafa - Dol qalasına

Başına döndüyüm, qurban olduğum 
Allanma könlümün çox havasına 
Sıxılıban pulum durdun yeyənlər, 
Rəng min can verir, bir parasına.
                                                         
Dana olanların çoxdu mərfəti,
Çoxları zülmünən yığıb sərvəti
Ürüşvət pozubdu şəri-şəryəti,
Baxmazlar Quranın bir ayəsinə.
 
Nuh dərya üzündə saxladı keşdi 
Namərd minarəsi yıxıldı, uçdu.
Şəddad hökm elədi, qurdu behişti,
Düşdü cəhənnəmin kar harasına.

Bir gün olar, bir dünyadan qoparsan.
Eşqin səməndinə minib çaparsan.
Mail olsan Mustafanı taparsan,
Gəl Şeytanabadın Dol qalasına.