Slimfit
  1. İDMAN

Dünya çempionatında qızıl medal qazana biləcək cüdoçularımız – Proqnoz

Dünya çempionatında qızıl medal qazana biləcək cüdoçularımız – Proqnoz
Sakura

Məlum olduğu kimi, ölkəmizdə cüdo üzrə dünya çempionatı keçiriləcək

Məlum olduğu kimi, ölkəmizdə cüdo üzrə dünya çempionatı keçiriləcək.

Oxu.Az xəbər verir ki, Milli Gimnastika Arenasında keçirilən bu yarış kişilər üzrə XXXII, qadınlar üzrə isə XXIII dünya birinciliyi olacaq.

Bu yarışda komandamız həm fərdi, həm də qarışıq komanda yarışlarında mübarizə aparacaq. Ümumilikdə 125 ölkədən 460 kişi və 298 qadın cüdoçunun mübarizə aparacağı fərdi yarışlarda komandamız 13 idmançı ilə təmsil olunacaq. 

Belə ki, kişilərdən ibarət millimizdə Orxan SəfərovKəramət Hüseynov(hər ikisi 60 kq), Nicat Şıxəlizadə (66 kq), Rüstəm OrucovHidayət Heydərov (hər ikisi 73 kq), Məmmədəli Mehdiyev (90 kq), Elmar QasımovZelim Kotsoyev (hər ikisi 100 kq) və Uşanqi Kokauri (+100 kq), qadınlardan ibarət yığmamızda Aişə Qurbanlı (48 kq), Buyanxişiq Purevsuren (52 kq), İçinxorlu Munxtsedev (57 kq) və İrina Kindzerskaya (+78 kq) mübarizə aparacaq.

Ölkəmiz indiyədək cəmi bir dəfə dünya çempionatında qızıl medal qazanıb. Bu qızıl medal Rio Olimpiadasından sonra karyerasını bitirərək, məşqçiliyə başlayan Elxan Məmmədovun 2013-cü ildə məhz Braziliyada aktivinə yazılıb. Bəs görəsən, ölkəmizdə keçirilən dünya çempionatında kimlər Azərbaycana qızıl medal qazandıra bilər?

Orxan Səfərov

İslam Həmrəyliyi Oyunlarının qalibi olan Orxan artıq iki dəfə dünya çempionatında medal qazanmağı bacarıb: bir bürünc və bir gümüş. Ötən il Macarıstanın paytaxtı Budapeştdəki dünya çempionatında gümüş medal qazanmış Səfərovdan bu dəfə qızıl medal gözlənilir. Ancaq bu, asan olmayacaq. Çünki bu çəkidə dünya reytinqinin ilk iki pilləsində qərarlaşmış cüdonun vətəni Yaponiyadan iki idmançı var. Bunlar Ryucu Naqayama və Naohisa Takatodur. Həmin Takato ki, cüdoçumuza son Olimpiadada bürünc və son DÇ-də qızıl medal almağa mane olub.

Nicat Şıxəlizadə

İslamiadanın daha bir qalibi olan Nicat böyüklərin dünya çempionatında son uğurunu uzaq 2005-ci ildə Misirin paytaxtı Qahirədə qazanıb. 29 yaşlı idmançımız həmin nəticəsini 17 yaşında əldə edib. Çəkisində əsas favorit son dünya çempionu olan yapon cüdoçusu Hifumi Abedir.

Rüstəm Orucov və Hidayət Heydərov

Elnur Məmmədlinin karyerasını bitirməsindən sonra bu çəkidə Rüstəm çox parladı. Təsadüfi deyil ki, o, hazırda dünya reytinqində II sıradadır və bu nəticə hazırda ən yüksək göstəricimizdir. Avropa çempionumuz və İslamiadanın qalibinin son iki mötəbər turnirdə – Olimpiada və DÇ-də finalda uduzub.

Onun əsas rəqibləri son dünya çempionu Soiçi Hashimoto və təbii ki, dünya reytinqində IV pillədə yer alan, 20 yaşında böyüklərin Avropa çempionu olmuş digər azərbaycanlı Hidayətdir. Rusiya doğumlu Rüstəmlə Qazaxıstan doğumlu Hidayət arasında final görüşü olsa, təəccüblənməyin.

Elmar Qasımov

2009-cu ildə Ermənistanın paytaxtı Yerevanda gənclərin Avropa çempionu olmuş Elmar son Olimpiya Oyunlarında çexiyalı Lukaş Krpalekə uduzdu. Krpalek Bakıya gəlməyəcək. İndi hamı ondan DÇ-də qızıl medal gözləyir. Baxmayaraq ki, bu çəkidə də güclü idmançılar az deyil.

İrina Kindzerskaya

Ukraynalı legionerimiz qız idmançılarımızdan Azərbaycana yeganə medal qazandıracaq gücdədir. Kindzerskaya Azərbaycanı təmsil etməyə başladıqdan sonra ölkəmizə son DÇ-də bürünc medal qazandıra bilib. Özünəinamı yüksək olan İrina finala çıxsa da, ölkəmiz üçün yaxşı nəticə olacaq.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Dünyada ən sürətli təkər üzərində ev öz rekordunu yenilədi. Keçən il onun sürəti 128km/s idi, may ayında bu sürəti 162,61 km/s-a qədər artırdı, indi isə yarım km artırdı.

Redaktor seçimi

SON XƏBƏRLƏR