Dünyanı xilas etməyə çalışan 16 yaşlı Nobel Namizədi: Greta Thunberg

İqlim böhranı ilə mübarizəyə diqqət çəkən 16 yaşlı gənc qız

İqlim dəyişikliyinin, həyatımıza çox böyük təsiri var. Greta Thunberg bütün diqqətləri bu mövzuya yönəltməklə, etdiklərimizi və düşüncələrimizi bir daha sorğulamağa məcbur edir.

Greta, 2018-ci ilin avqust ayında məktəbə getməyərək, İsveç Parlamentinin qarşısında oturaraq etiraz aksiyası keçirib. Bu etiraz, qısa bir müddət ərzində insanlar arasında ajiotaj yaratdı. Greta, bu davranışı ilə hökumətə “bir an əvvəl hərəkətə keçin” çağırışını etdi.

Bacardığımı etmək mənim mənəvi borcumdur.

Etirazını qətiyyətlə davam edən Thunberg, dünya çapında sensasiya yaradan bu hərəkatın davam etməsi üçün Birləşmiş Millətlər İqlim Konferansına (COP24) qatıldı.

Polonyada həyata keçirilən, ölkə təmsilçilərinin olduğu və önəmli qərarlar verilən bu forumda, “önəmli bir fürsətdir ancaq belə gedərsə, heç bir məqsədə çata bilməyəcəyik” fikrini səsləndirdi.

Eynşteyn və Darvin kimi elm adamlarında rast gəlinən   Asperger Sendromu, 16 yaşlı iqlim aktivisti Gretada da  aşkarlandı.

Greta Thunberg, Time jurnalı tərəfindən “2018-ci ilin ən təsiredici gəncləri” siyahısına salınıb.

NOBEL SÜLH MÜKAFATI NAMİZƏDLİYİ

Greta, Norveç millət vəkilləri tərəfindən Nobel Sülh Mükafatına Namizəd seçildi.

Nobel komitəsi namizəd göstərilən Thunbergi seçdiyi təqdirdə, Nobel Sülh Mükafatını qazanan ən gənc nazmizəd, Greta Thunberg olacaqdı.

“Bir çoxları bu işlərlə məşğul olmaq əvəzinə məktəbə getməli olduğumu, bəziləri isə məktəbə gedərək bu problemi daha asan həll edəcəyimi söyləyirdi. Bəlkə də olmayacaq bir gələcək üçün təhsil almağın nə mənası var? Əgər bizim cəmiyyət üçün bütün bu olanlar heç bir əhəmiyyət kəsb etmirsə, təhsil almaq nəyə lazımdır?”

Greta Thunbergin bu fəaliyyətə kiçik yaşlarda başlamağı, yaşımız və vəziyyətimizdən asılı olmayaraq hər zaman mübariz olmağı bizə öyrətdi.