Azərbaycan və Ermənistan asan viza verilməsinə görə neçənci yeri tutub?
Afrika ölkəsi Komor adaları ən qonaqpərvər ölkə seçildi. Bu barədə Passport Index portalı xəbər verir.
O 103 mövqeyə liderlik edir. Bu reytinq neçə ölkənin vətəndaşını vizasız buraxmaq, çatanda vizanı rəsmiləşdirmək və ya girişə elektron icazə verməyin əsasında tərtib olunub.
Komor adalarında asan ziyarət qaydası dünyanın 198 ölkəsi üçün qüvvədədir. Onlarla birlikdə ilk yerləri Kot-dİvuar, Qvineya-Bisau, Madaqaskar, Maldiv adaları, Mavritaniya, Mikroneziya Federativ Ştatları, Mozambik, Samoa, Seyşel adaları, Şərqi Timor, Toqolez Respublikası, Tuvalu və Uqanda bölüşdürür.
İkinci mövqedə Kabo-Verde və Dominika qərar tutub. Orada 197 ölkənin vətəndaşı üçün asan viza rejimi tətbiq olunub. Üçüncü mövqeni Palau tutub. Bu respublikanın göstəricisi 196 dövlətdir.
Dördüncü yerdə Cibutidir, beşinci Haiti (195 və 194 ölkə). İlk onluqda Makao (Çin Xalq Respublikasının xüsusi rayonu), Sent-Vinsent və Qrenadina, Kamboca, Nepal və Ekvador kimi dövlətlər var.
Türkiyə 162 ölkə ilə 21-ci yeri Nikaraqua ilə bölüşdürür. Rusiya bu siyahıda 42 ölkə ilə 83-cü yeri, Gürcüstan 93 ölkə ilə 50-ci yeri tutur. Ermənistan 133 ölkə ilə 28-ci yeri tutur.
Azərbaycan bu siyahıda 22 ölkə ilə 86-ci yerdə qərar tutub. Artıq 2017-ci ildən “ASAN Viza” sisteminin inkişafı və təkmilləşdirilməsi ilə bağlı əlavə tədbirlər və Azərbaycan Respublikası Prezidentinin 2016-cı il 20 oktyabr tarixli 1082 nömrəli Fərmanı ilə təsdiq edilmiş “ASAN Viza” sistemi haqqında Əsasnamə”də dəyişikliklər edilməsi barədə Azərbaycan Respublikası Prezidentinin Fərmanına əsasən Azərbaycan Respublikası 94 ölkənin vətəndaşına 3 saat ərzində viza verilməsini təmin edir. Bu növbəti statistikada ölkəmizin daha yuxarı pillədə qərar tutmasına imkan verəcək.
Müəllif: Famil Ələkbərov
Şərhlər
Şərhləri göstər Şərhləri gizlət