Ens.az
25 avqust 2019, bazar
.
Ülfət Ziyafətqızı

Düşüncələr..

Düşüncələr.. (mənsur şeir)

O qədər kimsəsiz hiss etdim ki,özümü..

Üz tutdum qəbirstanlığa yüngülləşərəm deyə..

Amma insan hara gedirsə getsin,dərdi bitmədikcə yüngülləşməzmiş..

Qəbirlərə,şəkillərə baxdım,düşündüm bir gün ölərsəm,ölüm mənə çox yarasar..

Eşitmişəm nadir insanlar öləndə gözəlləşir..

mən də onlardan olacam,ölümü özüm qədər sevən ikinci bir insan tanımıram..

Ölüm əbədi arzularıma keçidim olacaq..

bu düşüncələrdən məni qolumu,ayagımı dişləyən qarışqalar ayırdı..

ölü əti yeməyə alışmış bu balaca varlıqlar diri ətinin həsrətlisi kimi dişlərini itiləyib üstümə gəlmişdi..

Hərəsi bir dişləm öz payını götürüb getsəydi,yəqin ki,qısa müddətə bitirərdi məni..

"Öləndə payınızı verəcəm "-deyib tələsik oradan uzaqlaşdım..


X