DVC heyəti Quba Soyqırımı Memorial Kompleksini ziyarət edib

“Vətəndaş Cəmiyyətində Debat” (DVC) İB-nin heyəti və debatçı üzvləri 31 mart soyqırımı qurbanlarının xatirəsini yad etmək üçün Quba Soyqırımı Memorial Kompleksini ziyarət edib.

Kompleksdə stendlər, tarixi faktlar və soyqırıma həsr olunan video-çarx ilə tanış olan heyətə ermənilərin azərbaycanlılara qarşı törətdiyi soyqırımı haqqında ətraflı məlumat verilib.

Bildirilib ki, Quba soyqırımı məzarlığı 2007-ci il aprelin 1-də ərazidə torpaq işləri görülərkən aşkarlanıb. Bundan sonra Azərbaycan Milli Elmlər Akademiyasının Arxeologiya və Etnoqrafiya İnstitutunun əməkdaşları tərəfindən kütləvi məzarlıqda geniş tədqiqat işləri aparılıb.

Sonda Ictimai Birliyin sədri Ülviyyə Axundova tərəfindən xatirə dəftərinə ürək sözləri yazılıb. 

Həmçinin, “Vətəndaş Cəmiyyətində Debat” (DVC) İB tərəfindən 31 mart soyqırımı ilə əlaqədar olaraq sosial şəbəkələrdə müxtəlif dillərdə təbliğat işləri aparılıb və soyqırımla əlaqədar video-çarx hazırlanaraq nümayiş etdirilib. 

Mənsurə Məhərrəmova