6 iyun 2020, şənbə
.
.
chevron_left chevron_right
TEXNOLOGİYA

Elektrik enerjisiz işləyən kondisionerləşdirmə sistemi yaradılıb

Elektrik enerjisiz işləyən kondisionerləşdirmə sistemi yaradılıb

331 Baxış
Elektrik enerjisiz işləyən kondisionerləşdirmə sistemi yaradılıb

Stenford Universitetinin alimləri əsasında işləməsi üçün elektrik enerjisi tələb etməyən kondisionerləşdirmə sisteminin yaradıldığı yüksək texnologiyalı optik səth təqdim ediblər.

“ICTnews” Elektron Xəbər Xidməti “Hi-News” resursuna istinadən yazır ki, istilik daşıyıcısı kimi xüsusi optik səth altında yerləşən istilikdəyişdiricilərdən keçən sudan istifadə olunub. Səth onun üzərinə düşən Günəş şüalarının enerjisinin təxminən 97 faizini əks etdirməklə ətraf mühitə suyun hasil etdiyi istilik enerjisini paylayır. “Passiv soyutma” adlanan sistemin keçirilən sınaqlarından məlum olub ki, bu üsulla su ətraf mühit temperaturundan Selsi üzrə 3-5 dərəcə aşağı soyudulur ki, bu da yaxşı kondisionerləşdirmə üçün əlverişli hesab olunur.

Məlumata görə, belə göstəricilər əldə edən alimlər şərti binanın riyazi modelini hazırlayıblar. Model göstərib ki, belə kondisionerləşdirmə sistemindən istifadə zamanı passiv soyutma sistemi sayəsində bir yay mövsümündə elektrik enerjisinə qənaət 14,3 meqavat-saat təşkil edə bilər. Qeyd olunur ki, riyazi modeldə ən isti iqlim zonalarından birində - Las-Veqasda yerləşən bina üçün elektrik enerjisinin istehlakı nəzərə alınıb.

Bildirilir ki, hazırda universitet alimləri texnologiyanın daha da təkmilləşdirilməsi və tətbiqi ilə məşğul olacaq “SkyCool Systems” şirkətini təsis ediblər. Passiv havalandırma sisteminə tələbatın yüksək olacağı gözlənilir.

Rəsmi məlumatlara görə, 2050-ci ilədək kondisionerləşdirmə üçün sərf edilən enerjinin ümumi miqdarı təxminən 10 dəfə artacaq. Odur ki, testlər zamanı elektrik enerjisinin 20 faiz qənaət edilməsinin aşkarlanması təkcə maliyyə deyil, ekoloji cəhətdən əhəmiyyətli töhfə verəcək.

Nizam Nuriyev 

Mənbə: Ictnews.az





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Ağıllı hərəkət etmək üçün təkcə ağıl azdır - Fyodor Dostoyevski
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X