Əli bəy Hüseynzadə - Qəm yemə, səbr et, bu da yahu keçər

Zülməti-şər bulsa da bir dəm zəfer, 
Pərtövə hökm etsə də zülmət əgər, 
Sönsə də ənvari kəmali hünər,
Qəm yemə, səbr et, bu da yahu keçər.

Haqqü ədalətdən əsər yoxsa da, 
Xarisi-qanun bir ər yoxsa da,
Zülm edənə qarşı süpər yoxsa da, 
Qəm yemə, səbr et, bu da yahu keçər.

Millətə, milliyyətə, hürriyyətə 
Aşiq olan uğrasa da möhnətə,
Yarü vətən düşsə də gər qürbətə 
Qəm yemə, səbr et, bu da yahu keçər.