Ens.az
18 sentyabr 2019, çərşənbə
.
chevron_left chevron_right
ƏDƏBİYYAT

Əli Kərim - İki Sevgi

Əli Kərim - İki Sevgi

1150 Baxış
Əli Kərim - İki Sevgi

Gözəl qız, sən saf susan
İki qəlb arzususan
Mənsə səni sevirəm
Susuzluğun od vurub, köz kimi yandırdığı
Dodaq su sevən kimi
O isə səni sevir
“kabab üstdən sərin su pis olmaz” deyən kimi

 

Gözəl qız, sən işıqsan
Yurduma yaraşıqsan
Mənsə səni sevirəm
İynənin ucu boyda ışığa həsrət qalan
Kor işıq sevən kimi
O isə səni sevir,
Bir şən mağarda, toyda
Işıqlardan yaranmış yaraşıq sevən kimi

 

Danış, qoy gəlsin səsin
Qısılmasın nəfəsin
Mənsə səni sevirəm
Bakıdan, Daşkəsəndən
gələn bir səda kimi
Səs kimi, qüdrət kimi
O isə səni sevir
Gizli deyil ki, səndən
Bir otaq küncündəki qəmli sükünət kimi

 

Bu mən,
bu o
bu da sən
Də görək nə deyirsən?
Amma ciddi fikir ver bu iki məhəbbətə
Daha heç nə demirəm
Nöqtə, nöqtə və nöqtə


VİDEO QALEREYA
Dünya tarixində ən sürətli nəsil artırmaq göstəricisi Mərakeş sultanı Mulay İsmayilə aiddir. İldə 58 uşaq ilə nəsil artırıb. 31 yaşında onun artıq 525 oğul, 342 qız övladı var idi.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X