27 may 2020, çərşənbə
.
.
chevron_left chevron_right
ƏDƏBİYYAT

Elşən İsmayıl - MƏN, HƏR KƏS DEYİLƏM...

Elşən İsmayıl - MƏN, HƏR KƏS DEYİLƏM...

1965 Baxış
Elşən İsmayıl - MƏN, HƏR KƏS DEYİLƏM...
Dinləmə sayı: 18

Mən, hər kəs deyiləm...
Salma adi xatirələrdə yada məni...
Düşünmə,
Haqqımda heç nə düşünmə...
Ağlama arxamdan,
Çıxma özündən mənə görə...
Mən, hər kəs deyiləm...

 

Mən, hər kəs deyiləm...
Fikrini sadələşdirmə,
Özünü ucuzlaşdırma,
Ruhunla cismini
Qarşılaşdırma...
Mən, hər kəs deyiləm...

 

Mən, hər kəs deyiləm...
Yalan danışma mənə görə
Kimlərəsə
Ağız açma...
Yazığın gəlməsin mənə,
Yox, istəmirəm arxamdan ağlayasan,
Aciz bilmə məni...
Mən, hər kəs deyiləm...

 

Mən, hər kəs deyiləm...
“Hamı belə deyir... Hamı elə düşünür...”
Bu fikirlər mənə aid deyil,
Yox,
Heç həyat da mənə layiq deyil...
Mən, hər kəs deyiləm...

 

Yalnızlıq ruhuma işləyib mənim,
Bəli...
Yalan istəyim deyil,
Amma danışıram,
Özüm, özüm olmağa
Çalışıram...
Mən, hər kəs deyiləm...

 

Mən, hər kəs deyiləm...
Qan tökmək istəmirəm,
Savaşmaq istəmirəm.
Sadəcə özüm olmaq,
Özüm kimi yaşamaq
İstəyirəm...
Mən, hər kəs deyiləm...

 

Mən, hər kəs deyiləm...
Xoşbəxtlik arzumdur,
Var-dövlət deyil.
Gözəllik arzumdur,
Eyş-işrət deyil...
Mən, hər kəs deyiləm...

 

Mən, hər kəs deyiləm...
Fikrimdə ancaq azad yaşamaq,
Bir quş kimi uçmaq...
Ucsuz-bucaqsız səmadan
Bu riyakar dünyaya baxmaq
İstəyirəm...
Gülümsəyirəm,
Həyatın acısına,
Ağına, qarasına...
Mən, hər kəs deyiləm...


Müəllif: Elşən İsmayıl, Səsləndirdi: Lalə Quliyeva


Mənbə:




Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


Etiketlər:
VİDEO QALEREYA
Dünyanın ən bahalı evini Frenk Bakli tikib. İrland dizayneri tikinti materialı əvəzinə puldan istifadə edib
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X