20 fevral 2020, cümə axşamı
.
.
chevron_left chevron_right
MƏDƏNİYYƏT

“Əlvida, Smidt” adlı yeni filmin çəkilişlərinə başlanılır

“Əlvida, Smidt” adlı yeni filmin çəkilişlərinə başlanılır

“Əlvida, Smidt” adlı yeni filmin çəkilişlərinə başlanılır

Cəfər Cabbarlı adına “Azərbaycanfilm” kinostudiyası nəzdində fəaliyyət göstərən “Mozalan” studiyasında Mədəniyyət Nazirliyinin sifarişi ilə yeni bədii filmin çəkilişlərinə start verilib.

AZƏRTAC xəbər verir ki, “Əlvida, Smidt” adlanan film Azərbaycanda almanların məskunlaşmasının 200 illiyinə həsr edilib. Ekran əsərində Azərbaycanda dünyaya gələn alman Emil Smidtin başına gələn hadisələrdən bəhs olunacaq. O öz sevgi və xoşbəxtliyini burada tapır.

Tragikomediya janrında çəkiləcək ekran əsərində hadisələr Göygöl (keçmiş Helenendorf) ərazisində cərəyan edir. Film dostluq, vətənə sevgi, multikultural və turizm mövzularını özündə əks etdirəcək.

Filmin çəkilişləri bu günlərdə başlanacaq. Xalq artisti Rasim Balayevin 70 illiyi münasibətilə ilk çəkiliş günündə, avqustun 7-də aktyorun da filmdə çəkilişi nəzərdə tutulub. Filmin premyerası 2019-cu ildə olacaq. Qeyd edək ki, həmin il alman icmasının Azərbaycanda məskunlaşmasının 200 ili tamam olacaq.

Filmin quruluşçu rejissoru Əli-Səttar Quliyevdir. Ekran əsərinin quruluşçu operatoru Nadir Mehdiyev, ikinci rejissoru Akif Rüstəmov, ssenari müəllifi Rüstəm Babazadə, quruluşçu rəssamı Əziz Məmmədov, bəstəkarı İsfar Sarabski, icraçı prodüseri Tərlan Babayevdir. Əsas obrazları Əməkdar artist Rasim Cəfər, aktyorlar Azər Aydəmir və Gürcüstanın A.S.Qriboyedov adına Tbilisi Dövlət Akademik Rus Dram Teatrından dəvət olunmuş aktrisa Məryəm Kitiya ifa edəcək. Filmdə həmçinin Xalq artisti Şamil Süleymanlı, Əməkdar artistlər Zemfira Sadıqova və Qurban İsmayılov rol alıb.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
Gözəl süni şəlalə
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X