1. MEDİA

EMİN MİRZƏLİ: ASTARA TƏHSİLİNDƏKİ ÖZBAŞINALIQLAR BARƏDƏ FİLM ÇƏKİLƏCƏK

EMİN MİRZƏLİ: ASTARA TƏHSİLİNDƏKİ ÖZBAŞINALIQLAR BARƏDƏ FİLM ÇƏKİLƏCƏK

“Təhsil Araşdırmalar Mərkəzi”nin nümayəndəsi rayondakı şok hadisələrdən danışdı

-Salam. Emin bəy, necəsiniz?

-Çox sağ olun, yaxşıyam.

-Sizinlə çoxdan planlaşdırdığımız söhbətimiz nəhayət baş tutdu.

-Bəli. Sözün düzü, saytınızın strategiyası, xətti barədə məlumatım yoxdur, lakin ümid edirəm ki, tərəfsiz və obyektiv bir yayın olacaq.

-Tam əmin ola bilərsiniz. Saytımız yenidir, inşallah, yaxın günlərdə tam istifadəyə veriləcək. Qeyd edim ki, şüarımız “Obyektivlik və Səviyyə”dir. Medianın böyük bir qisminin obyektiv olmadığı, mənfəətpərəst olduğu əfsus ki, faktdır. Amma, sizi əmin edirəm ki, bizim portalımız fərqlənəcək. Buyurun, söz sizindir.

-Bildiyiniz kimi, biz “Təhsil Araşdırmalar Mərkəzi” olaraq, mediayla üzvi fəaliyyətdəyik. Öncə onu söyləyə bilərəm ki, artıq əksər qəzet və saytların mahiyyəti, xətti, strategiyası barədə məlumata sahibik. Şəxsən mən layihə rəhbəri olmaqla yanaşı, təşkilatın cənub koordinatoru olaraq da çalışıram. Doğrudur, xüsusən karantin şəraiti və üstəlik, hər rayonda əməkdaşlarımızın olmaması səbəbindən bizə edilən müraciətləri, bütün iddiaları araşdırmaq imkanında deyilik. Məsələn, bu yaxınlarda İxa.az saytı müraciət edərək, Yardımlı təhsilindəki bir hadisəni araşdırmağı istədi, lakin bizim buna imkanımız olmadı üçün məsələnin üstündən keçməli olduq. Çünki, biz obyektiv bir təhsil, elm qurumuyuq və araşdırılmamış, dəqiqləşməmiş informasiya yaya bilmərik.

-Emin Mirzəli, gələk, Astara təhsilində baş verən və artıq məşhurlaşmış olaylara.

Kiçik bir rayonda bu qədər böyük hadisələr niyə baş verir? Və yeri gəlmişkən, mediada bu hadisələrin işıqlandırılması barədə nə söyləyə bilərsiz?

-Sualınıza cavabı axırdan əvvələ doğru verim.

Deməli, sizin həmkarınız olan bir qurumda, yəni saytda (Aia.az) Astara təhsili barədə bir neçə ay əvvəl son dərəcə ləyaqətsiz və vicdansız bir yazı getmişdi. Yazıda iddia olunurdu ki, guya Astara təhsilində hər şey superdir və guya kimlərsə insanları “qızışdırıb”, narazı salırlar. Və “qızışdıranlardan” biri də guya mənəm....

Bəli, düzdür, bizə narazılar, şikayətçilər müraciət edirlər və biz də bunları araşdırıb, mediaya təqdim edirik. Amma, bu qədər yalan, riya, böhtan olmaz axı!... Yəni, konkret desək, guya 2018-ci ildə Astara təhsilindən rüşvətə etiraz etdiyi üçün çıxarılan Fuad Mehrəliyev də, bullinqə etiraz etdiyi üçün psixoloqluqdan uzaqlaşdırılan Daşqın Əliyev də, Şüvi məktəbinin dərs saatı əlindən alınan texnologiya müəllimi Aynur Əskərova da, direktorluğu dəfələrlə əngəllənən Nuranə Həmidova da, direktorun qanunsuzluqlarına etiraz edən Burzubənd məktəbinin müəllimləri də haqsızdır, onlarca digər şikayətçi də haqsızdır!... Yəni, bircə Rəşad Həsənov haqlıdır, o, nə edirsə, düz edir!....

Əlbəttə, həmin “yazı” barədə sayta təkzib göndərdik və orda qeyd edilənlərin doğru olmadığını faktlarla ortaya qoyduq. Lakin, jurnalist şərəfini, peşə namusunu təəssüf ki, pulun, ya da nəyinsə müqabilində satan sayt rəhbəri lazım olanı etmədi: nə təkzibi verdi, nə də “yazını” saytdan çıxardı... Və çox maraqlıdır ki, həmin “məqalədə” istinadgah kimi verilən-hansısa feysbuk qrupunun rəhbəri Elvin Həşimli də, heç bir ali təhsili olmamaq bir yana qalsın, marazmatik və psixi problemli birisidir. Təsəvvür edin ki, əhalisinin azı 95 faizi talış olan bir rayonda öz qrupu vasitəsilə “türkçülük”, şovinizm təbliğatı aparır...

Yəni, “qosqoca” sayt, bir psixi xəstəyə istinad edib, “xəbər” hazırlayır və o “xəbər” əsasında Rəşad Həsənovu təmizə çıxarmağa, rayon sakinlərini isə “qaralamağa” çalışır...

 Və təsadüfi deyil ki, bu gün də həmin mənəviyyatsız saytda Rəşad Həsənov haqqında ucuz mədhiyyə və yaltaqlıq dolu bir çox “yazılar” getməkdədir.

Hər halda yalan, yoxsa doğru söylədiymi yoxlaya bilərsiz, axtarışa verib görə bilərsiz....

Amma, sevindirici haldır ki, bizim fəaliyyətimizi, “TAM”ın layihələrini geniş media kontingenti işıqlandırır və on minlərcə, bəzən də yüz minlərcə auditoriya ilə buluşdurur. Mən buna görə ölkəmizin elektron və yazılı mətbuatına təşəkkür edirəm.

-Emin bəy, Astara təhsilinə qayıdacağıq, lakin, gəlin, bir az da çalışdığınız qurumun digər işləri, proyektləri barədə danışaq. Bu günlərdə yeni bir layihənizlə qarşılaşdıq. Tanınmış ekonomist Qubad İbadoğlu ilə söhbətinizi dinlədik, maraqlı və fərqli müsahibə idi.

-Bəli, biz “Təhsil Araşdıramlar Mərkəzi” olaraq, yeni bir layihəyə başladıq. Dəyişən şəraitə və yeni dövrə uyğun olaraq “Müharibə və Yeni Dövr” proyektinə start verdik. Bu çərçivədə, müxtəlif sahələrdən olan alimlərlə, ekspertlərlə müzakirələr aparmaq, onların fikir və rəylərini almağa önəm verdik. Amma fərqli və yaradıcı rakurslardan. Növbəti yayınlarda siz və ictimaiyyət ən müxtəlif profilli ekspertləri, ictimai xadimləri görəcəksiz yəqin ki.

-Qayıdaq, Astara təhsilinə. Əvvəlcədən deyim ki, biz burda Astara RTŞ-nin vəkili deyilik, nə də onu dəstəkləmirik və suallarımız da onun tərəfini saxlamaq kimi çıxmasın.

Zəhmət olmasa, deyin, məgər Astara təhsilində problemlər Rəşad Həsənovlamı başladı? Əvvəlki müdirlər yaxşı idilər ki?...

-Baxın, kimsə demir ki, Astarada əvvəlki təhsil rəhbərləri yaxşı və ya əla olublar, R. Həsənov gəlib işləri korlayıb. Astaralılar, rayon ziyalıları və həmçinin də, astaralı ekspert olaraq biz bunu deyirik ki, rayonumuzda yüksək çinli məmurların əksəriyyəti yarıtmazdırlar, məsuliyyətsizdirlər, vəzifələrini yerinə yetirmirlər. Faktiki olaraq, əhalini prezidentə, dövlətə qarşı qaldırırlar, narazı salırlar. Və təhsil şöbəsi də təbii ki, rayonun bütün təhsilinə cavabdeh olan bir nömrəli, ən vacib qurumdur. Deməli, onun etdiyi əks hərəkətlər, haqsızlıqlar, özbaşınalıqlar- birbaşa dövlətə qarşı edilmiş kimidir!

-Bu yaxınlarda, konkret desək, oktyabrda saytlarda qarşımıza maraqlı xəbər çıxdı: “Astara 4 saylı məktəbin psixoloqu etiraz dolu bəyənat yayaraq, istefa verdi...”

-Bəli, Daşqın bəy daha öncə, yəni, 2018-ci ildə təhsildən haqsız uzaqlaşdırılanlardan biridir. O zamanlar təzə gələn Rəşad Həsənov yeni vəzifəyə gəlməyin verdiyi ifrat özgüvənlə “narazıların başını əzmək taktikasına” girişdi və təəssüf ki, Astaranın o zamanki Polis rəisi Azər Cahangirovun da səriştəsizliyindən istifadə edərək istəyinə çatdı. Lakin, işdən çıxarılanlardan ikisi-sonradan, necə deyərlər, “başağrısına” çevrildilər. Fuad Mehrəliyevlə yanaşı, xüsusən də Daşqın Əliyev çox ayıq tərpənərək, başına gələnləri maddiləşdirə bilmişdi, yəni səsyazmadan istifadə etmişdi deyə biz onun vasitəsilə Astara təhsilində baş verən dəhşətlər barədə əlavə əyani sübutlara sahib olduq.

-Amma, saytlarda o xəbər də mövcuddur ki, Rəşad Həsənov ondan üzr istəyib və təzədən işə bərpa edib...

-Bəli, elə onu deyəcəkdim. Daşqın bəyin bizə 2020-ci ilin may ayında göndərdiyi səsyazıda da var ki, R.Həsənov etiraf edir-“biz səhv etmişik, sənə qarşı haqsızlıq etmişik”.  Və elə Daşqın bəyin əlindəki o sübutlara, səsqeydlərinə görə onu işə qaytarmağa məcbur qaldı.

Ancaq məsələ nədir? Məsələ budur ki, psixoloq işə bərpa olunsa da və Rəşad Həsənov səhvini etiraf etsə də, heç bir cəza tədbiri görmədi, yəni həmin hadisələrdə rol alanlar, biabırçılıqlarda imzası olanlar hələ də təhsilin başındadırlar, vəzifədədirlər! Yəni, psixoloqu təhqir etmiş, şagirdlərə bullinqi dəstəkləmiş olan şəxs- Elçin Mirzağa oğlu Mirzəzadə indi də Astara təhsilində məsləhətçi vəzifəsində çalışır! Yeri gəlmişkən, biz “Təhsil Araşdırmalar Mərkəzi” olaraq, o zamanlar direktor müavini (“zavuç”) olan Ülviyyə Bayramovayla əlaqə saxladıq və o da etiraf etdi ki, həqiqətən də direktor konkret olaraq, 9-cu sinif şagirdi Günay Bağıyevanı şiddətli qısnama və təhqirə məruz qoyubdur.

Düzdür, Rəşad Həsənov hələ 2018-ci ildə, ilkin etirazlardan sonra, onu əvvəlcə direktorluqdan, daha sonra da RTŞ-də baş məsləhətçi vəzifəsindən çıxarsa da, fakt budur ki, bu “zorba” hazırda orda məsləhətçi işləyir. Həmçinin də, psixoloqa fiziki təzyiq etmiş hərbi hazırlıq müəllimi Elman Ağayev, -hansı ki, ruhu xəstə olduğu və müalicədən yayındığı barədə konkret sübutlar var,- hələ də işinin başındadır!

İstəyirsiz, özünüz də jurnalist kimi bu faktları yoxlaya, aydınlaşdıra bilərsiz. Biz ictimai bir qurumuq və konkret faktlara, dəqiqliyə əsaslanırıq. Zatən indiyəqədər səhv bir məlumat versəydik, bizə açıq etiraz bildirərdilər, hətta məhkəməyə verərdilər.

- Rəşad Həsənov zənglərə, mesajlara cavab vermir ki, nəyisə yoxlaya, aydınlaşdıra bilək...

-Çünki, ifşa olmasının fərqindədir və eynilə dəvəquşunun “başını quma soxmaq taktikasını” təkrarlayır. Rəşad bəy sizdən və mediadan qaçdığı kimi, “Təhsil Araşdırmalar Mərkəzi”ndən də 2 ildir ki, qaçır, zənglərə cavab vermir. Bu qaçışın sonu da haraya doğru gedir, əslində, bəllidir...

-Emin bəy, Astara Təhsil müdirinin hazırki məsləhətçisinin, Elçin Mirzəzadənin şagirdə zorakılıq etməyinə dair konkret sübut, səsqeydi varmı? Ya da bullinqi dəstəklədiyinə dair? Əgər varsa, o halda niyə yayınlamırsız?

-Əlbəttə var! İstəsəz mən sizə göndərə bilərəm! Hətta, yutubda olmayan və bu yaxınlarda ictimaiyyətə açıqlayacağımız şok səsqeyqləri var! Məsələn, bir səsyazıda belə məqam var: psixoloq (Daşqın Əliyev) şikayətlənir ki, filan müəllim uşaqları təhqir edir, “köpək” deyir, bu, düzgün deyil. Lakin, hansı cavabı alsa, yaxşıdır? Direktor deyir ki, “Bu, normaldır...” (!)

Təsəvvür edirsiz, bu, nə deməkdir! Yəni, şagirdə hər şeyi demək, söymək, təhqir etmək olar!

Bunlar-təhsil işçisi yox, təhsil düşmənləridir! Başqa bir ifadə tapa bilmirəm... 100 min əhalisi olan rayonun təhsilinə cavabdeh olanların ağılları, səviyyələri, vicdanları, bax, budur!

Təkrar edirəm; tezliklə biz hesabatda vəd etdiyimiz bütün digər sübutları açıqlayacağıq.

-Bəs bu işlərə polisin, hüquq-mühafizə orqanlarının reaksiya nədir? Onlar niyə tədbir görmürlər?

Yeri gəlmişkən, sizin qurumun hesabatında da, mediada da bu barədə məqamlar var.

-Bəli, biz o hesabatı hazırlayarkən, çox həssaslıqla və dəqiqliklə hər şeyi, təfərrüata qədər aydınlaşdırdıq. Məsələn, aşkara çıxdı ki, özünü Astara DTX-sının əməliyyatçısı kimi təqdim edən Valeh Qurbanov adlı şəxs konkret olaraq, Elçin Mirzəzadəyə yalançı xəbərçilik edibdir və bununla da faktiki olaraq, ona qeyri-qanuni dəstək veribdir! Bizdə bunu təsdiq edən faktlar var: birbaşa mənimlə söhbət zamanı (2018-ci il, sentyabr), iş otağında Elçin Mirzəzadə tərəfindən etiraf olunub ki, D. Əliyev barədə ona Valeh Qurbanov “şok” fakt açıqlayıb! O “fakt” da bundan ibarətdir ki, guya nə vaxtsa Daşqın Əliyevi gömrükdə, İrana gedərkən hansısa cinayətə görə saxlayıblar, üstünü yoxlayıblar...

(Mən E. Mirzəzadə ilə olan söhbətimizi qeydə almışam, lazım olsa, müvafiq orqanlara da göndərə bilərəm)

Təsəvvür edirsiz bu, nə deməkdir? Yəni, bu məlumatı ona “hüquq-mühafizə orqanı əməkdaşı” verib! Hansı ki, bu, əvvəla yalan məlumatdır, lap doğru olsa belə, mənasızdır.

Yeri gəlmişkən, biz fürsətdən istifadə edib burdan Dövlət Təhlükəsizlik Xidmətinə müraciət edirik. Xahiş olunur ki, bu məsələləri araşdırın və Astara DTX-sındakı “virusları”, dövlətə xələl gətirənləri təmizləyin. Onsuz da saytlarda bu məlumatlar gedib və getməkdədir.

-Bəs, DİN? Astara polisinin suçu, rolu nədir? Hətta, Lənkəran polisinin də adı çəkilir. Konkret olaraq, mediada adı hallandırılan Nəcəf Aburşu kimdir, direktora nə kimi dəstək verib?

-Astaranın o zamanki Polis rəisi Azər Cahangirovla həmsöhbət olanlar, əlbəttə, onun o qədər də peşəkar olmadığını təsdiq edirlər və hər halda, onun barədə olan çoxsaylı şikayətlər də bunu əyani ortaya qoyur. Konkret fakt: bu rəis özü Daşqın Əliyevə etiraf edib ki, internet-filan bilmir və dünyadan xəbərsizdir...(!)

Amma, konkret olaraq, bu işdə adı çəkilən əsas günahkar-Aburşu Nəcəf Aydın oğlu isə o zaman Astarada sahə müvəkkili olubdur. Təsəvvür edin, bu adam nələr edib: aşkar xuliqanlıq barədə konkret sübut, səsyazısı olduğu halda direktor Elçin Mirzəzadəni xırda xuliqanlığa görə cəzalandırmaq əvəzinə, bundan yayınıb. Əvəzində isə, xuliqanlığa məruz qalan Daşqın Əliyevin özünü təhdid edərək, şikayətini geri çəkməsini qanunsuz olaraq ondan tələb edib. (Bu barədə yutub sosial şəbəkəsində də səsyazısı yayılıb). Təsəvvür edirsiz; bir polis işçisi, bir sahə müvəkkili zərərçəkmişə hədə-qorxu gəlir ki, “sən məmurdan, direktordan şikayətçi olma, söhbəti uzatma!”... Və, əlbəttə, bu anda yarıtmaz rəis də öz işçisinin fitvasına uyub “xora qoşulur”, çığırır...

Səsyazıda da bunlar görünür.

-Emin bəy, sizcə, dediyiniz şəxs, yəni Nəcəf Aburşu bunu niyə edib, marağı nədir?

-Mən deyə bilmərəm, Nəcəf Aburşu, belə desək, vəzifə namusunu niyə satıb, ya da suçlu məmuru hansı maraqlar müqabilində qoruyub, lakin fakt budur ki, onun verdiyi səhv hökm nəticəsində, sözün həqiqi mənasında, “aləm bir-birinə dəyib”...Psixoloqu təhqir etməsinin, ona “eşşək” deməsinin cəzasız qaldığını görən direktor daha da cəsarətlənib və “haqlı olduğuna” əmin olub...

Və yeri gəlmişkən, çox ilginc başqa bir məqam da budur: N. Aburşu elə bəribaşdan “ayıq tərpənərək”, özünü sürgün edib, yəni bir neçə gün sonra Astara polisini tərk edib, başqa yerə (Lənkərana) keçib. Bunun da nə anlama gəldiyini ictimaiyyət özü şərh etsin...

Hər halda hər şey ortadadır, bunları dövlət qurumları ciddi araşdırmalıdır.

-Yeri gəlmişkən, bəzi səbəblərdən biz o səsqeydiyini verə bilmədik.

-Sizi anlayıram.

-Və əlavə edim ki, o zamanlar Astarada bir yerdə çalışan polis rəisi və sahə müvəkkili, hazırda da bir yerdə-Lənkəran polis şöbəsində çalışırlar!

Biz fürsətdən istifadə edib, Azər Cahangirova müraciət edərək bildiririk; zəhmət olmasa, fəaliyyətinizlə bağlı ortaya çıxan bu şübhə və ittihamları özünüz aradan qaldırın! Yoxsa, Astarada polisin nüfuzuna xələl gəlməsinə rəvac verdiyiniz kimi, Lənkəranda da eyni şey olacaq. Onsuz da Nəcəf Aydın oğlu Aburşunun adı çoxlu portallarda, hesabatlarda gedib. İnternet istifadə etmirsizsə, bu, o demək deyil ki, internet yoxdur...

Və mən daha bir önəmli məlumatı verim ki, sözügedən hadisələrin ibrətamizliyini, dramatikliyini nəzərə alaraq, bu yaxınlarda bizim qurum tərəfindən, hətta sənədli film də çəkiləcək. Orda Astara təhsil rəhbəri Rəşad Həsənovla yanaşı, onun “cırıqlarını yamayanların”, o cümlədən, sahə müvəkkilinin və “reket” sayt rəhbərinin də obrazı canlandırılacaq. Əminik ki, bu film sosial şəbəkə əsrində, həssas bir dövrdə yarıtmaz məmurlar üçün “əbədi damğa” olaraq qalacaq və pislərə dərs, yaxşılara cəsarət olacaq.

Çünki, bəzi səlahiyyətli şəxslər təkcə qanunu pozub, “güclünü” qorumurlar, həm də dövlətə, Prezidentə qarşı narazılıq yaradırlar, faktiki olaraq yerlərdə çevriliş hazırlayırlar. Astarada Rəşad Həsənovdan, icra hakimi Qəzənfər Ağayevdən bu qədər narazılıq boşunadırmı?...

Axı, bunlar niyə anlamır ki, Prezidenti bölgələrdə məhz vəzifə sahibləri təmsil edir. Onlar pis olanda, Prezidentin reytinqi də avtomatik olaraq düşür. Özəlliklə də indiki dövrdə, Qarabağ zəfərindən sonra xalq-dövlət birliyinin yarandığı bir şəraitdə bəzi məmurların bu cür əks-hərəkətləri barədə müvafiq orqanlar inanıram ki, ölçü götürəcəklər.

-Emin bəy, sonda nə demək istərdiniz? Bir Astara ziyalısı, gənc alim kimi Astara sakinlərinə və həmçinin, Təhsil Şöbəsi rəhbərinə sözünüz nədir?

-Mən öncə sakinlərə bildirmək istəyirəm ki, şikayətinizi bildirməkdən, dərdinizi deməkdən qətiyyən çəkinməyin. Unutmayın ki, indi artıq əvvəlki dövr deyil, “məmurların hegemoniyası” bitməkdədir. 2019-cu ildən başlayaraq, yüksək ranqlı məmurların, icra başçılarının həbsi və “yontalanması” gözümüzün önündədir. Xüsusən, 2020-ci ilin yayındakı hadisələrdə də biz gördük ki, nəhəng bir  “inzibati mafiya”, böyük bir klan, obrazlı desək, parça-parça oldu. Deməli, digər və daha kiçik məmurların taleyi, ümumiyyətlə, “ipdən asıldır”. İndiyə qədər özünü az qala Tanrı zənn edən icra hakimi, təhsil müdiri indi işə həyəcanla gedib-gəlir ki, birdən mən də “tora düşərəm”.

Necə ki, bir neçə ay öncə Astara İcra Hakiminin öz otağında gizli kamera axtarması, otağını gözdən keçirməsi də maraqlı bir hadisə kimi diqqətdən yayınmadı, baxmayaraq ki, rəsmi açıqlamada özləri bunu hansısa “təmir işi” ilə izah etdilər.

-Doğrudan da, həmin hadisədən biz də xəbər tutduqda bunu gülüşlə qarşıladıq-kabinetdə gizli kamera axtarmaq. Və özləri də etiraf etdilər, əslində.

-Bəli, indi artıq hər şey-xalqın, sadə insanların lehinə dönməkdədir, “mafiyaların düzəni” sona çatmaqdadır. Və indiki dövrdə fikrini bildirmək, dərdini çatdırmaq, 2-3 düyməni basmaq qədər rahatdır, yəni internet, sosial şəbəkə buna imkan verir. Mən Astara sakinlərinin timsalında bütün vətəndaşlara müraciət edirəm: Prezidentə, Birinci vitse-prezidentə şikayət göndərməklə yanaşı, problemlərinizi sosial şəbəkədə paylaşmaqdan, yazmaqdan çəkinməyin! Əmin olun ki, siz bununla ya haqqınızı alacaqsız, ya da ən azından haqqınızı qəsb edənləri ifşa etmiş olacaqsız. Xüsusən də, imkan olduğu qədər ləyaqətsiz məmurların səsini yazın, görüntüsünü çəkin. Bu, qanunla sizin haqqınızdır. Siz bununla, potensial bir cinayəti bəribaşdan önləmək, ya da ən azından ifşa etmək şansı qazanırsız. Bilməyənlərə xatırladım: səsyazısını yazmaq yox, yaymaq qadağandır. Necə ki, bunu mobil operatorlardan tutmuş, müxtəlif ictimai qurumlara qədər kər kəs edir. Əgər cinayət varsa, onu yaymaq da, saytlara təqdim etmək də olar!

Məşhur ifadədə deyildiyi kimi, “Bir ölkədə namuslular namussuzlar qədər cəsur olmazsa, qurtuluş yoxdur.” Odur ki, namuslu, dürüst insanlar heç nədən çəkinməməlidir, namussuzları ifşa etməkdən geri durmamalıdır.

Və nə yaxşı ki, həm “Təhsil Araşdırmalar Mərkəzi”nin nümayəndəsi, həm də astaralı gənc alim olaraq, digər alimlərlə birgə, son zamanlarda Astara təhsilində problemlərin araşdırılması və gündəmə gəlməsində rol oynaya bildik, çoxlu maddi sübutlar topladıq. Təsadüfi deyil ki, işdən haqsız yerə çıxarılmış 2 kadrın (Daşqın ƏliyevFuad Mehrəliyev) işə bərpa olunmasında və 1 işçinin də dərs saatının qismən bərpasında (Aynur Əskərova) birbaşa rol oynadıq. İndisə, növbə ona gəlib çatdı ki, media və “TAM”-ın ortaq təşəbbüsü ilə biz gənc alimlər, olduqca önəmli proyektə-sənədli filmə hazırlaşaq. Düşünürəm ki, “min dəfə eşitməkdənsə, bir dəfə görmək yaxşıdır”. Astarada baş verən özbaşınalıqlar barədə ölkə ictimaiyyəti çox şey eşidib, amma indi birbaşa olaraq görmək imkanı da qazanacaq. “Şeytan piramidası”nın üç tərəfinin-Təhsil İdarəsi rəhbəri, sahə müvəkkili“reket” sayt rəhbərinin bir-birinin “cırıqlarını necə yamadığını” hər kəs görüb çox təsirlənəcək. Şübhə etmirəm ki, bu film ləyaqətsizlərə çox böyük, həyati dərs olacaq.

Siz jurnalistlərə və mediaya da bu müsahibəyə və diqqətinizə görə təşəkkür edirəm______________________________________________

Saytdan: Sözügedən şok ittihamlarla bağlı Astara Təhsil müdiri Rəşad Həsənovla əlaqə yaratmaq istəsək də, dəfələrlə etdiyimiz cəhdlər nəticəsiz qaldı…

Amma, hər halda biz onun və eləcə də ittihamlarda adları çəkilən digər məmurların (bizə məlum olan) əlaqə nömrələrini təqdim edəcəyik ki, bəlkə həmkarlarımızdan kimsə onlarla əlaqə yaradıb cavablarını, fikirlərini öyrənə bilər.

Astara Təhsil Müdiri Rəşad Həsənov, rəsmi nömrəsi: 0556068889

Şagirdlərə zorakılıqda ittiham olunan onun məsləhətçisi Elçin Mirzəzadə, rəsmi nömrəsi: 0505874064

Direktoru “qorumaq”da günahlandırılan o zamanki sahə müvəkkili Nəcəf Aburşu, rəsmi nömrəsi: 0514732924

Vəzifə səlahiyyətlərini aşması iddia olunan və özünü Astara DTX-sının işçisi kimi təqdim edən Valeh Qurbanov, nömrəsi: 0556855900

Təhsil Şöbəsi müdiri üçün “reketlik” fəaliyyətində ittiham olunan Aia.az saytının rəhbəri Azər Məmmədov, rəsmi nömrəsi: 0502224303

Emin Aydın

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

Nizami Gəncəvi

Redaktor seçimi

SON XƏBƏRLƏR