27 may 2020, çərşənbə
.
.
chevron_left chevron_right
MOTİVASİYA

Ən çətin məqsədə çatmağın yoxlanılmış 3 üsulu

Ən çətin məqsədə çatmağın yoxlanılmış 3 üsulu

1847 Baxış
Ən çətin məqsədə çatmağın yoxlanılmış 3 üsulu

Çətindir? Bəlkə də. Bu səndın bütün gücünü və daha çoxunu tələb edir? Əks təqdirdə, bu işə girişməzdin. Ens.az özünü inandırmaq texnikası kimi yoxlanılmış üsulla orqanizminizi tam gücüylə işləməyə məcbur etmək barədə yazını təqdim edir.

İdman zalında əsas əmr belədir- hər şey başdan başlayır.

“Ağlın güclüdürsə, bədənin də güclü olacaq. Stress, əziyyət, bədbəxtliklərlə mübarizə apara bilərsən, özünü aşaraq nəyisə qurban verə bilərsən. Beləliklə, öz qarşında böyüyürsən, hər məşqdə məqsədinə çatırsan və bütün maneələri dağıdırsan ”Salt Leyk-Siti (ABŞ) -dakı "Gym Jones" idman zalına gələnlər, buranın direktoru Rob MacDonalddan belə bir monoloq eşidirlər. Ağıl gücünü də məşq etdirmək istəyirsən?

1. Özünə yaşıl işıq ver

Şübhə zərərlidir. Bunları ağlına gətirmə. "Öhdəsindən gələ biləcəmmi" və ya "məndə alınacaqmı" düşünmək əvəzinə, pozitiv şəkildə düşünməyə başla.

Buna yaşıl siqnal düşüncəsi deyirik. Daim özünə bunları de: 

"Mən öhdəsindən gələcəm", "Bu asandır" və "özümü çox yaxşı hiss edirəm." Təkrarla. Bu özünə inamını və enerjini artıracaq, buna görə xüsusilə çətin olduqda təslim olmayacaqsan. Daha da irəli gedə bilərsən. Döyüş çempionatında iştirak edərkən məşqçim Bryaan Keyn mənə evimdə, avtomobilimdə, ofisimdə yaşıl stikerlər yapışdırmaq tapşırığını verdi. Hər dəfə belə stiker görəndə yaşıl siqnal üzərində düşünməklə məşğul olmalı, növbəti mübarizədə niyə qalib gələcəyimi düşünməli idim.

2. Qələbəni vizuallaşdır

Məhəmməd Əli və Cek Niklaus da daxil olmaqla bir çox məşhur idmançı, döyüş öncəsi vizuallaşdırmadan istifadə edib. Üzləşdiyin vəziyyəti təsəvvür etdiyin zaman, eyni sinir şəbəkələri hərəkətlərin həqiqi icrasında olduğu kimi beyində də iştirak edir. Yəni hər hansı bir çətin sınaqdan əvvəl sadəcə beynində uduzmaqla tam məşqdən keçə bilərsən. Hər gün vizualizasiyaya beş dəqiqə vaxt ayır. Dərindən nəfəs al və qarşıdakı sınağın bütün aspektlərini xəyal et. Başladığın işi bitirmək üçün güc taparaq, tükənməyi dəf etdiyini düşün. Bədəninin və ağciyərlərinin necə olacağını, nəfəs və ürək döyüntüsünüzün necə olacağını düşün. Yaşayacağınız duyğular, şübhələri aradan qaldırmaq haqqında və qələbə bərədə fikirləş, gözlərin önünə gətir. Nə qədər ətraflı təsəvvür edərsənsə, reaksiya sonradan daha düzgün olacaq.

3. Sevdiyin musiqini dinlə

Alimlər musiqi ilə idmanda məhsuldarlığı inkişaf etdirə bilməyi çoxdan sübut ediblər. Ancaq əsas odur ki, səni ruhlandıran və motivasiya edən musiqini tapasan. Səni çətinliklərdən yayındıra bilən və özündən üstün olmağına imkan verən bir musiqini. Və burada da məşq etmək daha yaxşıdır. Bu kompozisiyanı ən çətin məşq günlərində qoş - beynin həmin səslə özünü aşmaq ehtiyacı ilə bağlantı yaradacaq. Test günü gələndə onu yenidən qoş. Səslərin keçmişdə özünü üstələməyə necə təşviq edəcəyini hiss edəcəksən. Və sən öhdəsindən gələcəksən.


Tərcüməçi: Fəxri Qocayev


Mənbə: mhealth.ru




Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Xəzər dənizinin tarixən 100-dək adı olmuşdur.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X