Ən dərində üzən balıq aşkar olunub
Yaponlar ən dərində üzən balığı çəkməyə nail olublar. O Mariana çökəkliyində 8178 metr dərinlikdə üzür.
Balığı Jamstec yapon elmi təşkilatı çəkməyə nail olub. Xəbər verilir ki, çəkiliş iki kiçik aparatda yerləşən 4K ölçülü 2 kamera (biri 7498 metr, digəri isə 8178metr dərinlikdə olub) ilə həyata keçirilib. Cəlb etmək üçün aparatlara skumbriya bərkidilib. 17 saat 37 dəqiqədən sonra rekord dərinlikdə dəniz ilbizi peyda olub. Güman olunur ki, çökəklikdə belə balıqlar yanüzənlərlə qidalanır.
Alimlər hesab edir ki, balıqların yaşaması üçün hipotetik rekord dərinlik 8200 metrdir; böyük dərinlikdə balıqlar osmotik təzyiqə nəzarət edə bilmirlər.
Yeni rekord əvvəlkini (çinli alimlərin 2017-ci ilin aprel ayında əldə etdiyi) 26 metr üstələyir.
Müəllif: Famil Ələkbərov
Şərhlər
Şərhləri göstər Şərhləri gizlət