Ərdoğan: Türkiyə Pakistanla Əfqanıstan arasında atəşkəsin uzadılmasına yardım etməyə hazırdır
Türkiyə Prezidenti Rəcəb Tayyib Ərdoğan ölkəsinin Pakistan və Əfqanıstan arasında münaqişənin dayandırılması üçün hazırlanan dəstək mexanizminə töhfə verməyə hazır olduğunu bildirib.
Ens.az Oxu.az-a istinadən xəbər verir ki,məlumatı Türkiyə prezidentinin administrasiyası yayıb.
R.T.Ərdoğan Pakistanın Baş naziri Şahbaz Şəriflə Aşqabadda "Beynəlxalq sülh və etimad ili - 2025" forumu çərçivəsində keçirilən görüşdə deyib: "Pakistan və Əfqanıstan arasında atəşkəsin uzadılması məmnunluq doğurur. Türkiyə münaqişəsizlik rejiminə dəstək üçün yaradılan mexanizmə töhfəsini verməyə hazırdır".
Türkiyə lideri həmçinin rəsmi Ankara ilə İslamabad arasında energetika, ticarət, investisiya və digər sahələrdə ikitərəfli əməkdaşlığı inkişaf etdirmək planlarından danışıb.
Şərhlər
Şərhləri göstər Şərhləri gizlət