Ərdoğanın Bakıdan qayıdarkən verdiyi mühüm açıqlama
Bu anda Suriya rejiminin Menbiçdə ciddi bir təzyiqi var. Amma terror şəbəkəsi içəridədir. Onlar çıxarılmayıb. Əgər onları çıxarıb Menbiçə girmiş olsalar, bizim də deyəcək sözümüz olmaz, “Buranı əsl sahiblərinə təslim etdilər” deyərik. Amma belə bir hal yoxdur. Yenə YPG ordadır. O zaman nə fərqi var bu işin? Sadəcə, etiket dəyişir.
Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan Bakıdan səfərdən qayıdarkən təyyarədə mediaya açıqlamasında deyib.
Ərdoğan qeyd edib ki, “Sülh çeşməsi” əməliyyatında 32 km-lik dərinlik təmin edilib:
“M4 yolunu nəzarət altına almışıq. Bu prosesdə mülki şəxslərin zərər görməməsi üçün çalışdıq və çalışırıq. 18 mülki və 3 əsgərimiz şəhid oldu. Bunlardan bir nəfər ötən gün səhər Menbiçdə şəhid olub. Rejimin ora top atışlarının nəticəsi… Bunun qarşılığını rejimə çox ağır şəkildə ödətdirdik”.
Şərhlər
Şərhləri göstər Şərhləri gizlət