Ermənistan və Azərbaycan nümayəndələri sərhəddə görüşdülər
Ermənistan və Azərbaycan nümayəndələri Ermənistanın Sünik rayonunun Tex-Kornidzor hissəsinin sərhədlərini dəqiqləşdirmək üçün görüş keçiriblər.
Ens.az Redaktor.az-a istinadən xəbər verir ki, bu barədə şənbə günü Ermənistan Milli Təhlükəsizlik Xidmətinin mətbuat mərkəzi məlumat yayıb.
"Ermənistan Respublikasının Milli Təhlükəsizlik Xidməti bildirir ki, Tex-Kornidzor bölməsində Ermənistan və Azərbaycan Respublikasının nümayəndələrinin iştirakı ilə görüş keçirilib. Sərhədlərin tənzimlənməsi istiqamətində işlər aparılıb. Nəticədə həmin hissədə vəziyyət xeyli yaxşılaşıb. Nəzərinizə çatdırırıq ki, hazırda işlər davam etdirilir, nəticələr barədə ictimaiyyətə məlumat veriləcək”, - deyə bildirilir.
Xatırladaq ki, martın 14-də Ermənistan Nazirlər Kabinetinin rəhbəri Nikol Paşinyan bildirib ki, Ermənistan Azərbaycandan sülh sazişinin başqa variantını alıb, məsələdə müəyyən irəliləyiş var.
Şərhlər
Şərhləri göstər Şərhləri gizlət