Ermənistanın Azərbaycana qaytardığı kənddə mina partladı, xəsarət alan var

Ermənistanın Azərbaycana qaytardığı kənddə mina partladı, xəsarət alan var

İşğaldan azad edilmiş Qazax rayonunun Qızılhacılı kəndi ərazisində 2025-ci il 28 aprel tarixində mina partlayıb.

Ens.Az xəbər verir ki, bu barədə Azərbaycan Respublikasının Minatəmizləmə Agentliyi məlumat yayıb.

Agentliyin əməkdaşı, 1985-ci il təvəllüdlü Elnur Oruc oğlu Paşayev xidməti vəzifəsini yerinə yetirərkən piyada əleyhinə mina partlayışı baş verib. Hadisə nəticəsində Paşayev Elnur bədənin müxtəlif nahiyələrində yüngül xəsarətlər alıb.

Xəsarət alan əməkdaş rayon mərkəzi xəstəxanasına təxliyə edilib. Vəziyyəti qənaətbəxşdir, həyati təhlükəsi yoxdur.

 

Xatırladaq ki, Qızılhacılı kəndi 2024-cü il mayın 24-də Bağanıs Ayrım, Aşağı Əskipara və Xeyrımlı ilə birlikdə Ermənistan tərəfindən Azərbaycana qaytarılıb.