Ərzaq qiymətlərinin qalxması böyük problemlər yaradır - Deputat

“Azərbaycan əhalisinin əməkhaqqısı 2500 manatdan yuxarı olan hissəsi əhali sayının 5,5 faizini əhatə edir. Əhalinin 1,5 milyon nəfəri 2500 manatdan aşağı maaş alır. Bu da aztəminatlı insanların sayının əhəmiyyətli dərəcədə olduğunu göstərir. Ona görə də sosial xərclər bu səviyyədə dəqiq xərclənməlidir ki, yoxsullaşma səviyyəsinin daha aşağı düşməsinə imkan tanınmasın”.

Ens.az xəbər verir ki, bunu Milli Məclisin İctimai birliklər və dini qurumlar komitəsinin sədri Fazil Mustafa parlamentdə 2026-cı il dövlət büdcə zərfinin müzakirəsi zamanı deyib.

Deputatın sözlərinə görə, muzdla çalışan işçilərin sayının 1,8 milyon nəfər olması sosial sığorta aktlarının ödənilməsi istiqamətində gələcəkdə nə qədər çətinlik olacağını göstərir.

O bidlriib ki, ərzaq məhsullarının qiymətinin qalxması da böyük problemlər yaradır: “Azərbaycan əhalisinin 36 faizinin kənd təsərrüfatında çalışdığı qeyd olunsa da, bunlarım ÜDM-də payı 6 faizdir. Bu, istənilən Avropa ölkələri ilə müqayisədə aşağı çəkiyə malikdir”.