Ens.az
23 noyabr 2019, şənbə
.
.
chevron_left chevron_right
AVTO VƏ MOTO

Əsla bu avtomobilləri almayın! - “Üstü bəzək, altı təzək” maşınlar

Əsla bu avtomobilləri almayın! - “Üstü bəzək, altı təzək” maşınlar

1126 Baxış
Əsla bu avtomobilləri almayın! - “Üstü bəzək, altı təzək” maşınlar

Gözəl görünüşlü, son model xarici avtomobil sürməyi kim istəməz ki?! Amma tələsib təkcə görünüşə də aldanmaq olmaz. Bəzi maşınlar var ki, satışa çıxarıldıqdan bir müddət sonra onlarla bağlı narazılıqlar başlayıb. Sonrası isə şirkətlərin performans salonlarında toz basmaqla nəticələnib. Təbii ki, naşı alıcılar arasında hələ də bu modellərə müraciət edənlər var.

Publika.az belə avtomobil modellərini diqqətinizə çatdırır:

“Mazda RX-8” – Yapon maşını olan Mazda 2003-2012-ci illər ərzində buraxılıb. Çox gözəl görünüşü, rahatlığı olan avtomobildir, amma yanacağı həddən artıq “yeməsi” maşın sahibini əldən, daha doğrusu cibdən salır. Sanki maşının yanacaq çənində dəlik varmış kimi, yanacaq çatdırmaq olmur. Maşının mühərrikini dəyişmək isə elə az qala öz qiyməti qədər baha başa gələr.

“Mitsubishi Lancer” – Daha bir “yaponiyalı”. Aqressiv, cəlbedici görünüşlü maşının salonu narahatdır. Üstəlik səs izolyasiyası düzgün qurulmayıb. Maşının amortizasiyası da sərtdir. Funksiyaları azdır. Şirkət bu modelin uğursuz alındığını görən kimi onun davamını istehsal etmədi.

“Dodge Journey” – ABŞ istehsalı olan avtomobil ailə üçün münasibdir. Geniş salonu, müxtəlif funksiyaları var. İşıqlandırma sisteminə söz ola bilməz. Amma problemi ondadır ki, maşın döngələrdə çox yana əyilir. Ön təkərləri isə vaxtında bərabər tənzimlənmir. Sürətötürmə qutusunda da vaxtaşırı “donma”lar olur.

“Cadillac Escalade” – Amerikanın qüruru sayılan Cadillacın bu modeli “xəcalətli” çıxıb. Maşın görünüşcə möhtəşəmdir: nəhəng, sanballı həm də bahalı. Amma qiymətinə dəyməz. Onu alan qısa müddətdən sonra peşman olur. Əvvəla avtomobilin üçüncü sıra oturacağı çox narahatdır və etibarlı deyil. Sükan ağırdır, idarəetməsi çətindir. Maşının “skelet”inin yığımı da natamam kimidir, keyfiyyətli deyil. Ən əsası bu qiymətdə (145 min dollar) maşın tez çürüməyə meyillidir.

“Citroen C 5” – Fransa istehsalı olab avtomobil elə bu ölkənin gözəlləri kimi incə görünüşlüdür. Amma bütün gözəllər kimi bu da şıltaqdır. Maşının yığım keyfiyyəti yaxşıdır. Salonu rahatdır. Lakin avtomobilin hidravlik yayları başağrıdandır. Texniki cəhətdən çətindir, xüsusi diqqət tələb edir. Yox, əgər “gözəl”in şıltaqlığını qəbul edəcəksinizsə, o başqa. İstənilən halda azgəlirli müştərilərə məsləhət görülmür. Çünki tez-tez texniki baxışdan keçirmək sərf etməyəcək.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Xurşidbanu Natəvan və Qasım bəy Zakirin də qohumluq əlaqələri vardır. Hər ikisi Cavanşirlər sülaləsindəndir.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X